Press "Enter" to skip to content

Facebook Chungah A Hmanthlak Pakhat Tar Piak Ruangah A Nunnak A Liam Mi Tangkua Kai Lio

A hawikom tha tukmi pakhat nih a capo i Facebook chungah a hmanthlak pakhat a tar piak mi ruangah a duh lotuk i sii- ai (Puh-Ta-Sii)(ပိုးသတ္ေဆး) tha lo a din i a thi tiah thawng theih a si. Hi nungak note hi tangkua a kai liomi a si. Lung a nuam hrimhrim lo tiah a hawikom pawl nih an ngaihchiatnak an langhter cio. Kal ko cang law, ngakchia nu aw, ka lung a nuam hrimhrim lo ee, zei hmanh a si lem lomi thil ruangah na nunnak na lak tiah an chim.

Nungak note a nunnak a sungh mi cu a poi taktak. Aho dah sual kan phawh hna lai ti zong kan theih ti lo, atu chan ahcun upa pawl nih ngakchia pawl cawnpiak le chimhhrin tikah lam palh sual ahcun thihnak lam lei ah a cang tawn. Khuate ah hi bantukin Puh-ta-sii din ruangah a thi mi an tam ngaingai cang. Cu hnu ah ngakchia pawl hi upa tel loin Puh-ta-sii, sii-ai pawl hi zuar awk an si lo tiah kan ruah. Upa pipi hmanh an cawk tikah cinthlaknak lei a herhnak kong tha tein hal hnu ah zuar ding an si tiah an chim.

Van chia kan ti lai maw? chihkhat te ah thil a cang mi hi zumh awk a har ngaingai. Facebook chungah hawikom pakhat le pakhat i capo in hmanthlak pawl i tar piak zong hi hawikom sual maw a si hnga? Dawr ngeitu Puh-Ta-Sii, si-ai a zuartu maw a palh hnga? Amah nu a thinlung put maw a sual hnga? Zei bantukin dah sual kan phawh hna lai, ti zong theih a har ngai. Minung nunnak lamthluan ah hi bantuk a cang sualnak hnga lo, chungkhat le a simi pakhat nih hi an fanu te konglam le thil sining cu an tarlanghmi a si. Hi thawngpang hi a tak si le silo pehzulh in kan kherhlai tikah a taktak a cang mi thil a si ko, tiah theih a si.

Amah a uar mi siangngakchia pakhat pa nih a hmai ah a kun in a khuk a bil le duhdawtnak a hal. Cu hmanthlak cu a hawikom tha pakhat nih hman a thlak hna. Facebook chungah a tar piak hna. Cun, saya nih a theih tik ah nungak note cu a hro tiah an chim. Saya pa zong nih a tuh tiah theih a si i, a ningzak tuk caah cinthlaknak lei zuarnak dawr ah Puh-ta-sii (ပိုးသတ္ေဆး) a cawk i, a din tiah theih a si. Hi thil a cang nak hi Hmawbi pengkulh, Wa-nah-chawng (ဝါးနက္ေခ်ာင္း႐ြ) khuate ah a cangmi a si. globalchinnet

Be First to Comment

Leave a Reply

Your email address will not be published. Required fields are marked *