Press "Enter" to skip to content

Anupi He Pehtlaihnak A Ngei Tiah A Ruah Caah Garage Ngeitu Pa Cu, Hitman A Sawm I A Thahter

December thla ni 18 lio ah khan ruah lopi in, Bussiness Home ah i vuaknak ttihnungtuk mi aum tiah theih asi. Hi thil hi, zanrei hnu ah asi i, Garage a ngeitupa fanu nih police hna achimh ning ah cun, apa rifle in an kah hlan ah hin,minute 30 hrawng cu ui a boh tiah a chim ti si. Thailand Police hna nih cun, hi lainawnnak ah hin, a tel ve lai tiah an ruah mi,minung 7 hna cu, an tlaih cang hna tiah an chim .

Hi lainawnnak ttihnungtuk mi hi, Sothtern Thailand Province Rasada District ah asi i, Commissioner for Provincial Police 9 , Lieutenent General ,Ronasin Phurasa chim ning ah cun, hi Garage angeitupa kum 53 upa Thawatchai Klabkhan thahnak a ruang cu, a hawikawm a neihtuk mi anupi he a thli tein pehtlaihnak a ngei mi asi lai tiah an ruah ti si. Hi bussinessman Thawatchai Klabkhan le a hawipa nupi hi zanreituk hnu in, inn leiah anrak ttin tti tiin a chim i, hi hi a hawipa nih a theithiam lo i, anahchuah fawn caah, amah cu that ding in misual hna cu a sawm hna ti si.

Amah thah ding hin minung 2 a sawm hna i, Ak-assault rifle in i kahnakah hin, rian ttuan mi pakhat le anupi zong nih hliamhma tenau an pu ve tiah theih asi. Police hna nih cun minung 7 an tlaih mi hna cu, an dih lakin lainawnnak case an serpiak dih hna tiin an chim i, a hawikawm hna cu khuachung zongah din hmun pawimawhtuk mi, a ttuan lio mi le kum leizongah upa an si cang tiin a chim fawn.

Hi lainawnnak i meithal akaptu le lamhruaitu cu Piyawat Jittisak asi i, a hnu leiin meithal a ken mi minung 2 hna he cun,veh an si lio ah cun, an tlaihkhawh hna tiah a chim. Police hna nih cun, hi lainawnnak i video footage hna zong an konglam chekhlatnak ding ah,a bawmtu hna caah tiin an lak cang ti si. Thawachai Klabkhan kah asi lio ah hin, anupi zong car chung ah a tthu ko ti si i, rifle in an car hi vawi 19 bak an kah hna tiin an chim. chininternationalnews

Be First to Comment

Leave a Reply

Your email address will not be published. Required fields are marked *