Press "Enter" to skip to content

Kan Lainu Rebecca Zahau Thihnak Kong Hi A Rak Fak Tuk E : Laiholh Tein A Dongh Tiang A Um (+Video)

Mah thawng hi kan hnu deuh teah khan kan vawlei cung pi theih in a lar taktak mi a si, Kan laimi thihnak chungin vawlei pi huap in a lar kho taktak a thawng nih kan vawlawi a cul dih cikcek ko, a hmu rih lo mi kan um caah laiholh tein leh mi fiang tein theih khawh a si van zoh tthan hna usih.

Rebecca Zahau cu kum 2011 ah ning cang lo tuk in a thi i, hlathlai tu pawl hna nih dawthlat nak an ngeih tik ah mah le mah i thah le midang nih thah mi kongah sihni le dihni bia alnak a chuak.

A voikhatnak San Diego Sheriff biaceih zung ah Rebecca zahau cu mah le mah i that bantuk in bia caih a rak si. Asinain a thih ning ah mah le mah i thah a si kho loh a timi sihni hna nih cun Civui Court ah a case an zoh tthan i Civil court nih bia a khiah ning cu a tanglei Video bantuk hin a si.

Vawlei cung mi vialte zumh ning le ruah ning zong ah san Diego Sheriff Department hi 100% bak in ziknawh phaisa hmangin an ka an huh ti hi an zumh ning a si, Civui Court nih zeitindah Rebecca Case a tawlrel tthan zoh hna usih.

A Video cu a tanglei ah Part 1 he part 2 he kan van chiah chih hna.

Part 2 nak zong a tanglei ah kan van chiah chih.

Thawngpang dangrel chap >>>>>

Editor Cakuat From Moses Lian| 2019 September 10| The Chinland Post| Hi kong hi ṭial ka duh lo nain, ṭial lo awk kan tha ti rua lo. Ka tial hlan ah a ruang zeidah a si hnga tihi ka hlat hnu in ka tialmi a si. Mi theihmi le michimmi cung in a tialmi a si lo. Keimah nih nifatin ka tonmi chungin ka chimmi a si.

Kan fa le caah Chin Holh maw biapi deuh Pathian bia: US ram ah kan fa le hi Chin holh nakin Mirang holh hi an i fiang deuh. A ruang cu US singinn kai an si caah, cu caah Chin holh in Bible kan chimhmi hna khi an i fiang naisai lo. Cu tik ah kan Pathian bia hi a suallam an tei kho ti lo caah kan fa le tampi cu zumhnak ah an tlau cang. Cu caah Mirang holh in Sunday school chimh maw a tha deuh, Chin holh in chimh, hihi kan ruah lo sicun tlau hram kan i thawk cang tinak a si. Mirang holh in Bible kha chim hmanh a suallam an i fiang colh lai. US ah umnak ngeih lo in vakvaimi kan um pah len cang. Hihi kan mithmaikaa ummi le kan Khrifabuu chungmi an si hna. Nifatin kan mithmaikaa ummi hna hi hmuh hmasa loin hmuh lomi tu ah kan mission kan tuahmi hi a dik maw? American mi nih Chinram Mission an rak ṭuan ahhin anmah innchungkhar an ceu hmasa hnu in an rak kan rat hnawhmi an si hi kan i fiang dih ko lai dah. Mission tuan a tha ko, mah bel a thawknak ding hmun hi kan i fian deuh hmasa a herh rua.

Khrihfabuu kan i hruainak kongah: US ah Khrifabuu cheukhat hna cu member minung 3000 an si hna. Sunday School minung 700-800 an si hna. Minung 700-800 ah Pastor pakhat hna kan chiah hnawh men ko hna. Minung 3000 caah Pastor pa 3-4 men in Khrifabuu kan hruai menmi hna i a theipar cu a lang tluahmah cang ko. Hitin maw kan pah rih ko lai? Kanmah inn chungkhar, Khrifabuu chung vial ah mi dang nih mission an rak kan tuan hnawh lio ah, a lenglei hmuh lomi tu ah mission kan va tuanmi hna hi a dik lai maw?

Jesuh nih mi pahleihnih kha a thlah hna i, Jentail mi ram ah siseh, Samaria mi hna khua ah siseh, va kal hlah u, Israel miphun chungin a thlaumi tuu hna sinah khan va kal u. Matt, 10:5-6. Matt, 18:12-14 ah Tuu tlau kong. Luke, 15:11-32 Fapa tlau kong. Kanmah inn chungkhar chungin a tlaumi kawl hmasa le a tlaumi hna hmuh thanmi cungah, Bawipa a lawmhter deuhmi a si kolo maw?

US ah Chinram ummi chungkhat kan ruah tuk hna ruangah mah innchungkhar kan tlau dih cang hi, Mah Khrifabuu hmanh ruat loin ramleng Mission le Khrifabuu kha fak deuh in kan ruah tuk ruangah kan chungkhar le kan Khrifabuu member kan thlau dih cangmi hna hi kan lung a fim cang lai lo maw? US in Khrifa upa, nu upa Chinram ah nan tlung hna, Chinram in sathi an in luanh hna, Khrifabuu cun nanmah(Private) ta bang Khrifabuu phaisa awl tein pek dingah bia nan kamh hna. Hihi pumpak in ti hawhchanhmi nan si lo, a luan ciami kan hmuhtonmi chungin ka chimmi a si.

Cu caah Kan Mission caah kan budget le Chinram chungkhat phaisa kan kuatmi hna hi kan ruah than lo cun, US ah riangvai in khuasak kan fawite cang hi. Chinram ah. Paw cawmnak hmunhma tampi kan ngei ko. Rian tuan loin thadam tein um i tim ding kan si lo.

Hi ningin kan kal rih ahcun, US nih an kan thawl te lai, US rampi ah Chinmi kan riangvai te lai hi nan ruat bal maw? Kanmah hlan ah miphun dang an ṭhawl bal cang hna hi. Inn chungkhar kan thlau cang hna, Khrifabuu member kan tlau cangmi hna hi fak pi-in ruat cang hna sih.

Israel miphun chungin a tlaumi tuu kha kawl hmasa cang hna si. thechinlandpost

Be First to Comment

Leave a Reply

Your email address will not be published. Required fields are marked *