Press "Enter" to skip to content

Gen. Aung San Milem Phen Lei History Message Khi Kan Tih Mi Cu A si. ( Kawlram Politics Kherhhlainak le Thantlang ah Aung San Milen Ser Timhnak Kong) Talkshow

Aung San Lem kong a chuak than rua. Ramthumnak in nan rak holh lengmang tihin hlah uh. Hakha caah kan buai lo, kan Chin Miphun le Ram nih lungfahnak le zatlaknak a tuar mi hi thlop khawh zau ding a si hlan ah maw, Aung San lem cu phun kan i timh rih lai. Chinram NLD hruaitu hna nih hi thil hi an tuah ko ahcun an caah hmailei ruahchannak cu a um theng ti lai lo. Cucaah ruah cio dingin kan Miphun le hruaitu upa kan sawm hna.

Chinram dothlennak kan mission a dih rih lo.

1.Kawl History nih kum 70 leng an kan hlen i hipin cun kan hleng kho ti hna hlah seh. Aung San cu mah tein tlangcung mi hna nih independent lakkhawh asi ko lio ah politics tuahin luatnak a kan hrawmpi tu menmen asi. Chin Miphun hna luatnak a kan lakpiaktu Hero a si lo.

2. 1947 kum Upadi an tial lio ah PhaPunne MP Saw Wirih Kyaw ( ဖာပြန္နယ္အမတ္ေစာဝီရီေက်ာ္) nih Federal rampi ser na duh ahcun Union of Burma ti loin Federal State of Burma a si loah United State of Burma tiin kan auh awk asi ati lio ah Aung San nih a biafang a biapi lo,a hnittarah tu abia tiah a politics in a bia arak ti . Tulio Panglong kong he ai dannak a um lo.

3. Khrihfa zumtu mi hna nih Cross kan taar mi khi Cross phen lei ah a power, Khrih nih a kan khamhnak, a thawhthannak le teinak tiah Khrih sining a history asi mi Bible bia vialte le kan zumhnak hrampi asi mi faith hmelchunhnak asi.

4. Milem pakhat bunh cu sullam a ngei tuk. A Milemnak in a phenlei History kha a biapi deuh.Phungki biakin le Pura bantuk men asi lo.Aung San bantuk milem hnuai timh cu a mah nih khamh mi le luatnak lak piak mi Ram, Indenpendent Father a si ti kha mipi thinlung ah thlaicii va tuh khi asi. Kan nih Chin Miphun hi Aung San nih khamh mi le luatter mi kan si tak maw? kan Miphun le Ram caah Hero asi tak maw ti mi tuanbia kha a milemnak in theihfiang khawh hi a biapi deuh.Ramdang hna nih an ram cio ah an hero pawl milem an taar cio mi cu an hero pei an si cu.Kan mah tein Kawl sal ah tang dingin tuanbia tial lo i zuam hna uhsih. Kan Miphun tu hi Kawl hmai ah pride cawisan i zuam cio dingah a langlo tlang thongkhat dan in kan sawm than hna. Al Bik Lian/Religious And Political Voice facebook Page

My voice is my politics.
My voice is my strategy.
My voice is my vote.
My voice is my stand-point.
My voice is for my Chin Land.

Click VIDEO

Be First to Comment

Leave a Reply

Your email address will not be published. Required fields are marked *