Press "Enter" to skip to content

Benjamin Sum (Testimony – 1) – Video

Benjamin Sum nih Mipi pawl sin ah a Testimony a chim nak hi ngeih khawh cio van i zuam hna usih. Mah a Testimony a chim lio ah hin mipi zong an thinlung a tongh ngai ngai hna ti cu fiang tein hmuh khawh a si.

A tanglei ah a Video kan van chiah.

Thawngpang dang relcahp >>>>

President Donald Trump Cu Hmai Zarh Chungah Impeachment Trail Ngeih A Si Cang Lai

President Trump Impeachment Article pahnih cu, hmaizarh chungah ceih asi cang lai tiah theih a si.Nancy Pelosi nih cun hi Article 2 hi Senate leiah felfai lo in, an ceih sual lai tiah a phan caah,tuan ah arak pe duh hna lo ti si. Hi konglam ah hin Republicans hna cheukhat cu an lungtling tilo i,Impeachment Article cu hlawh duhnak le tlamtling lo mi asi tiah arak chim mi zong an um len cang tiah theih asi.

Hi lio ah hin,Republican Senate Majority Leader,Republican Mitch McConnell nih cun, closed door meeting i, Senate Republican Conference hna cu a hmuh hna i, Nancy Pelosi nih “Impeachment Articles 2 ” cu Senate ah arak put cang siah cun, rianrangin hmai zarh cacawn nihinh niah kan ceih cawlh lai tiin a chim. Senate Trial hi, Chief Justice John Robert ,US Supreme Court nih cun a hruai hna lai .

Mitch McConnell nih cun Senate ah Senators member 53 an ngeihnak bia cu a chim i, hi hna nih hin rangtuk in,kan ceih cawlhkhawh lai tiah a zumhnak bia cu achim. Trump Impeachment hi dih zawkzawk in,November thla leiah cun i thimnak kum 2020 leiah timhlamhnak ngeih an duh ve cang tiin a chim.

Democrats hna nih cun, Trump nih arak phuah mi,National Security Adviser John Bolton cu,President Trump nih hin, Ukraine militrary bawmhnak US$ 400 cu arak hren piak taktak hna maw tiin bia hal an duhtuk ko ti si. John Bolton nih hin, National Security Adviser arak si lio ah, Trump he an ruahnak arak i khat lo i, Trump nih Ukraine hna cu Militrary bawmhnak cu hren piak rih a duh lio ah, Bolton nih cun,pek arak duh hna tiin an rak chim mi cu asi.

Trump nih cun Fox News sinah, harnak ka ngei lo i, Asi nain thil pakhat cu, White House ah hau poh nih President an si ah cun an um kho i, National Security Adviser te hna, Legal Adviser te hna cu an ruatkhawh dih mi asi i, House caah,hmai lei caan ara lai miah cun, hi bantuk thil hi a ttha lotuk mi asi ko tiin a chim.

President Trump nih cun “Impeachment Trail”cu Senate leiah cun, dihter cang dingin a chimh hna i, sihmanhsehlaw, Mitch McConnell nih cu vote tam a ngeih lo caah, kan members hna cu pakhat le pakhat i puhnak le a hnialnak te hna cu an ngaih hngading mi cu asi tiin a chim.Democrats hna nih John Bolton cu , Bia hal dingin an phut siah cun, kan nih zong nih Hunter Biden cu bia hal ding in kan phut ve hna lai tiin ati hna.

Chuck Schumer,Democrat, Senate Minority Leader nih cun, biaceihnakah hau nih dah “withness” tette lo in,bia a ceih tawn ,bia hman le bia dik theihkhawhnak ding in, Tette a hau mi asi caah John Bolton cu withness ah sawm ani tim ko tiin a chim ve cang ,John Bolton hi Trump nih arian in arak phuah mi asi tikah,cucu Democrats hna nih sawm an duhnak pakhat cu asi.

Be First to Comment

Leave a Reply

Your email address will not be published. Required fields are marked *