Press "Enter" to skip to content

Benjamin Sum Concert At UCSY (+Video)

Myanmar Idol Winner tluk ah a fans pawl nih cun an ruah mi benjamin Sum nih hla a van sak tthan cang. Benjamin Sum hi a zei nih dah a dawh pi cem ti a si ah cun, a aw a tthat pin hlei ah a sam nih hin a dawh pi ngaingai, a mah nih cun kai riam lai a ti ko nain a fans pawl nih an thloh i a fans pawl nawl ngeih nak in ai riam tthan loh tiah thawng kan theih tthan. Pheh thuh lo te a sam nih hin dawh a rem pi tuk cu. A zei khom si ah tu tan ah zoh kan van duh deuh cem mi cu a hla sak nak hi a si ko caah a hlasak nak tu van ngai hna usih.

A tanglei ah a hlasak nak kan van thil chih.

Thawngpang dang relchap >>>>>

ISIS Nih Cun Iraq Ram Chung Ah,A Thar In Dinh Tthan Ani Timh Cang

ISIS hna nih cun Gen.Qassem Soleimani a thihnakah khan an pathian a rawlh ve tiah an ruah i, hi an hruaitupa thihnak cu,thihnak thianghlim asi tiah an chim cang. Iran le Elite Quds force an hruaitupa le US nih Iraq hmun ah ISIS donak lei i an hawipa thihnak hnu khan, operation vialte cu,an ngawl dih cang i, Iran cozah le US cozah ani do lio ah hin, a thar in ISIS hna nih cun, bu thar dinh tthan ani timh cang tiah theih asi.

ISIS weekly News Paper Al-Naba nih a langh ter ning ah cun, Extremists- hna nih cun,hi bantuk in an ral hna an teinak hna le ralthuam an ngeih ti lo hnu hin,Jihadists-hna cu, hmunkhat ah kal tti tthan cangdingin, ani timh cang tiin BBC nih cun a langh ter . Soleimani a thih hnu in, tlawmpal ah cun, NATO nih cun an mi le sa hna himnak cu biapitukah a ruah i, ralkap cheukhat hna cu Iraq ram in alak cang hna i, Hi bantuk in ttihnak arak um lio ah hin, Islamic Republic hna nih cun fawi tein kan teikhawh hna lai tiah an ruah mi cu asi.

Germany zong nih Iraq ram i ralkap a chiah mi hna cu, alak cang hna i, Kuwait leiah a tthial ve cang hna tiah theih asi. Hi hna lengah hin,European Allies,Iraq Security forces Extremist hna kah dingin hika hmun i training a pemi hna zong nih Extremist hna an tei hnu hna khan, December thla ah khan anrak kal diam cang tiah theih a si fawn.Hi bantuk in ,Iran le US ani do lio ah hin,Iraq Shi’a Militia hna nih cun, Soleimani thihnak cu,lehrulhnak tuah dingin,biakamnak a ngeih cang tiah theih asi.

Hi Iraq Security Force,US le European Allies hna nih training an rak pek tawn mi hna cu, US nih a ngawl tak hnu cun, an dir hmun hi,an hartuk ko cang tiah an chim . Gen.Qassem Soleimani thihnak nih hin, theipar ttha a chauhpi lai i, ISIS hna caah cun thil tthatuk mi asi cang lai tiin, vawleicung mipi ruahnak cu a si cang ti si. chininternationalnews

A tanglei ah a hlasaknak Video kan van chiah.

Be First to Comment

Leave a Reply

Your email address will not be published. Required fields are marked *