Press "Enter" to skip to content

A Round 2 Nak Bak Ah Aung La Nih A Thah Deng (+Video)

Aungla N Sang le Brandon Vera An I Phomh hi van zoh tti tthan ta hna usih. Tuni One Championship Mix Martial Art timi tthuatnak cu Asia ram le mipi kar lawng hmanh ah si loin vawlei cung ram kip le vawlei cung mipi kar ah a hunglaar chin thluahmah ko cang. Tutan Aung La Nsang le Brandon Vera tthuatnak hrim hi cu vawlei cung mipi nih thlaruk chung ka ngah mi cu a hung dih ruangmaang ko cang.

BBC nih an rak komh lio ah Aung La Nsang nih a rak chim cia bantuk in One Championship World Heavy Weight Champion bak a simi Brandon Vera cu a round hnihnak bak ah a tei tak tak ko cang, Aung La Nsang hi cu a nungmi Pathian aa bochan nak nih hin teinak lam ah a hruai tihmi cu a hung lang chin lengmang ko.

Mipi nih kan fian dingmi cu tutan ah Aung La Nsang nih Brandon Vera hi a tei ko nain Brandon Vera nih a comi World Heavy Weight Champion taisawm a chuh tinak si loin Brandon nih chuh a timhmi le a mah Aung La Nsang nih a comi Light Heavy Weight Champion taisawm a ven khawh tinak tu khi si, Brandon Vera tu cu One Championship ah World Heavy Weight Champion a si rih ko.

Mah belte hmailei ah Aung La Nsang nih Brandon Vera comi World Heavy Weight Champion taisawm hi cuh a duh ah cun a mah lei nih a singkhaw ve te lai, tu lio te tak ah cun Aung La Nsang nih hin Brandon Vera cu a tei ko nain Aung La hi World Heavy Weight Champion taisawm tu cu a chut kho rih lo tinak khi si.

Aung La Nsang nih teinak a kan hmuh piak tik ah a ho paoh kan i lawm cio lai tiah zumhnak kan nei. Myanmar ram aiawh in aa tthua vemi Pho Thaw belte cu Korea pa nih a tei tik ah kawlram mi cheukhat an thazaang der lio te ah Aung La Nsang nih cu an thazaang dernak zong a hun tthawn ter piak tthan hna.

Video kan van chiah.

Be First to Comment

Leave a Reply

Your email address will not be published. Required fields are marked *