Press "Enter" to skip to content

Theih A Herh Ngai : A Thawh Tlaimi Pawl Hi Mi Fim Taktak An Rak Si Rungah A Si

Laimi a tam u caah cun thawngpang ttha ngai khi a si ko hnga. Sinain a taktak ahcun a thawh a tlai deuhmi hi khua tam deuh in a rak ruatmi an si i an hmai lei kongah timhlamhnak a ngei deuhmi an si hna tiah UK scientist mi fim Satoshi le Perina nih an chim.

Rian herh tukmi a um lem lo i zingka thawh ai harhmi pawl hi an rak fim caah le an thluak a rak ttha ruangah a si i an ih pah in khua an hmailei kong an ruat hna tiah an hmuh.

Cun zing thawh a thei lomi pawl hi zan ih tlai pawl an si hna i hawi ih hnu ah khua a ruatmi pawl an si hna tiah an chim.

Hawi ih hnu i khua ruat le idea chuah hi an huam khun i zinglei khua a dei deng hrawngah khin it an hmang. An duhmi answer siseh an tuat tanmi an hmuh hlan lo cu fawi teah ih an duh loh. Cun phunglam tangah a nung huam lomi ziaza phun dang a ngeimi an si hna.

Zalawng tein um hi an duh khun i khua an ruah ta lo ahcun an i hnglih kho loh. Khua an ruat tuk ve rualrual in hawi dang he an umkal an cawlcangh ai lo loh. Khua an ruat deuh cah fawi tein harnak cu an tei khawh hna. Hi hna pawl hi tuan teah it i tuan teah a thomi pawl nakin nun a nuamhnak cu a tingco deuh tiah an chim chap.

A ruang cu Nun a nuamhnak ah hin duh cen paoh ih le duh cen paoh it lo in um timi zong hi ai tel chih tiah Southampton nih a chim. Sinain ni 1 ah suimialm 12 a itmi hi an tar hlan ah an nunnak a liam tuan tiah an hmuh chap.

Thawngpang dang rel chap >>>>>>>>>>

Democracy Ahcun Party Cio Nih Teinak Hmuh Duh Ah Adang Party Zaangder Nak Le Chuambau Nak Cu Chim Phung Langhter Phung A Si Ko

Chin National Conference cu (2013) November (12-15) nithum chung Hakha khuapi Carson hall ah phaisa ting (1000) leng dih in hlunghlai taktak in Miphun lungrual nak langhter le biakhiah nak tampi he rak tuah a si. Chin National Dialogue zong (2017 Feb 27-March 1) tiangThantlang khuapi ah nithum chung Thantlang Baptist Church (TBC) ah Federal hmuh khawh nak dingah biafum tampi he tuah a si cang.

Chin miphun chung in biaknak lei, vulei lei, ramkhel lei,CSO hna, fiamthiam nak le CNF hruaitu hna, Chin miphun chungin bochan mi le sawm awk tlak vialte sawm in rak tuah a si. Chin miphun fontom nak donkhan tu tuanbia thing vialte cu tuanbia nih liampi cang sehlaw mikut tang in kan luat i mah te khuakhan lairel khawh nak federal kan hmuh khawh nak dingah tuanbia thar tial in tuah a rak si cang.

Cu caah democracy ahcun party cio nih teinak hmuh duh ah adang party zaangder nak le chuamhbau nak cu chim phung langhter phung a si ko, asinain Chin Miphun lungrual nak, lungkhat thinkhat kutsik tein kan kal khawh nak ding a hrawh tucu zei party cio poah nih miphun dawt nak he kan hrial cio a hau, media le news zong nih miphun lungrual nak a hrawk kho tu ca, bia le hla cu zamhpiak loding abiapi ngai ngai can a si.

Chin Miphun chung in hruaitu upa vialte nih lungrual tein khua an kan khan pimi Chin National Conference le Chin National Dialogue biafun biakhiah nak pawl hi dirpi i zuam cio hna u sih. globalchinnet

Be First to Comment

Leave a Reply

Your email address will not be published. Required fields are marked *