Press "Enter" to skip to content

Nungak muidawh pakhat nih Bus cungah harsatnak a ton mi (+Video)

Japan ram ah nungak pakhat nih khuachung Bus ah harsatnak a ton mi hi van bih ta hna usih. Nungak nih le fengerh tawitete he khuaza lam kip ah cun an i chawk hna i, mitthenkhat pa caah cun rak i chuahsual zong hi a fawi ve te khatlei kam ah cun an mawh thlu ve loh.

Nu zong nih cun vawlei cung phung si ko tiin theihthiam nak nganpi a ngeih piak, nu tthekhat nih cun heh ti ah an hrang len men ko hnga, asinain minung an si ve tik ah an mawh thlu ve loh tiin mah Bus cungin harsatnak a ton mi cungah ai in chih ve ko.

Video a tanglei ah

Thawngpang dang relchap >>>>>

Malaysia Ram, Putrajaya Sizungpi Ah A Thlop Cuahmah Mi Kan Farnu Bawmhnak Au Thawng

Sagaing ramthen, Kalay khuapi um Chin miphun a simi Tha Lian Nghaki (kum 39) (MD 688672) cu Malaysia ramchung ah a um i rian a tuanmi a si. 2018 September thla chungah Lei cancer ruangah Operation an tuah i, dah-kin-hmu (ဓာတ္​ကင္​မႈ)
hi voi sawmthum (30) tuah a si. 2019 August thla chungah a cancer zawtnak cu a hrom lei ah a kai caah a thaw chuah a har deuh caah, Emergency sizung ah a thlop. Sibawi te nih Myanmar ram lei ah tung pi tthan dingah a tha deuh lai tiah an chim caah, tlunkalnak kong cu Malaysia Lah-Wa-Kah zung ah “B4G” timhtuahnak in a kut-nam hnu Special Pass lak hnu ah a rannak in a kir khawhnak hnga kanmah nih a hramthawk in a dongh tiang kan zuampiak i kan bawmh.

September 6, 2019 ni ah Myanmar le Malaysia ram vanlawng (Airlines) a zuang mi ah Mah Tha Lian Nghaki cu a cit ve i, vanlawng cu Malaysia ram in Myanmar, Yangon International Airport ah tum a tim ko nain, thil pakhat khat ruangah a tum kho lo. Cucaah, Myanmar ram, Yangon International Airport in Malaysia ram lei ah a rak kir tthan i Kuala Lumpur Airport ah a hung phan tthan. Mah Tha Lian Nghaki cu a tha ba he a si caah a thaw chuah khawh setsat loin a um i, Kuala Lumpur Airport he a naihnak bik Putrajaya Sizung ah an kal pi i, sii ai a thlop tiah theih a si.

September 12, 2019 ni ah Mah Tha Lian Nghaki a thlop nak Putrajaya sizung pi ah kan va kal i, a mah ngamdamnak lei kongah sibawi te kan hal hna i, Mah Tha Lian Nghaki zong thazaang peknak biatawi ka chim. Mah Tha Lian Nghaki cu a holh kho bak lo caah catlap cungah a kut in a tial mi tein a chim. Kei nih Mah Tha Lian Nghaki cu sizung na umnak le na thlop nak vialte hi aho nih dah an bawmh i, an pek piak tiah ka hal tik ah ka pa a thi cang caah, hringtu ka nu nih hin ka damlonak a hramthawk in atu tiang hi a um lo buin le mi tangka cawi in sii ai in a ka thlop tiah a chim. Mah Tha Lian Nghaki he a pehtlaih mi chungkhat le rualchan cingla sinin thawngpang kan theih ning ahcun, Hringtu a nu nih an inn zuar piak i, a fanu ngandamnak le damnak tlamtling a hmuh khawhnak hnga a zuar piakmi inn man in sii ai in a thlop tiah thawngpang kan theih tikah lung a nuam hrimhrim lo.

Cucaah, Tha Lian Nghaki hi a harsattuk caah zaangfahnak le zawnruahnak he nanmah le nan si khawh tawk cio in kan zapi in bawmh khawh le zuang hnawh cio hna usih tiah kan in sawm hna. Bawmh a duhmi paoh nih a tanglei Bank account le min langhtermi ah direct in hlut khawh le bawmh khawh a si, tiin thawng kan in thanh hna. globalchinnet

Be First to Comment

Leave a Reply

Your email address will not be published. Required fields are marked *