Press "Enter" to skip to content

Chumh Chuan Leipang A Felmi Pa Pawl Hi Pa Dang Pawl Nakin Zan Ah

Pa a tam u nih cun coka rian chumh chuan le inn rian hi nu rian deuh ah an chiah i catliahmah tein nupi bawmh le tuah khawh tawk te rak ttuan ve timi hi an huam lem loh.

Sinain nupi a ngei cangmi pa 1338 leng cu hlet hlainak an tuah hna i a nupi coka rian a bawmmi le inn rian hnawk hnai tete a nupi a bawmmi pa hi zan ah a nuamhnak an hmu khun deuh tiah an hmuh.

Cun an nupi le zong nih an nawl an ngeih piak duh deuh hna i an innchungkhar ah lam a tluang duh khun tiah an hmuh chap. Zan zongah hin pa chim ningin nu nih a duh lo a huam lo ahcun pa caah a nuamnak a um loh i pa nawl lawngin rian a rak i lim kho loh.

Coka rian le inn rian tete i bawmh timi hi nu caah a rak sunglawi tuk i thinlung i theihnak a si. Cun pakhat le pakhat i ralvennak a zortertu zong a si. Zan zongah pakhat le pakhat nawl i zulh piaknak a chuahpi chih.

Cun nupi nih dawt i huahnak zong a si i deihnak zong a chuahpi. Nupi nih 100% in a huamnak a langhter tikah pa caah cun chim hau ti loin nuamhnak tling kha co khawh a si cang. Zan ca lawngah si loin khuasaktintuknak ca zongah inn rian hme tete i bawmh hi a rak ttha tuk. REF:Family Psychology Journal

Thawngpang dang relchap >>>>>>>>>

Nepali (India) Pa Nih Mizo Nungak Miss Bak A Thur Ko An Laamnak He (+Video)

(A tanglei bik ah kala pa le Miss Mizoram 1st Runner-up simi C.Lallawmzuali he an laam nak cu a tanglei bik ah a um lai) Kan unau Mizo nungak pawl cu a tu lio an thang a chia ngaingai. Kan theih cio cang bantuk in, Miss Mizoram 1st Runner-up asimi C.Lallawmzuali cu nizan ah khan kala pa (Nepali Pa) he a thiang tthitumnak an tuah. Mizo mipi nih an lawmhpi kho bak lo. Mah miphun tlau tiah fak taktak in an soisel. C.Lallawmzuali pasal kala pa hi model an uar ngaingai mi Nunu Rualhleng he zong rak i uar cangmi asi.

C.Lallawmzuali nih pasal caah kala pa a neih ah hin a mah lawng a mualpho bak lo, a hawinu Nunu Rualhleng tiang in a mualpho chih. A ruang cu C.Lallawmzuali le kala pa i neih an timh bak hin Nunu Rualhleng he aa uar bal mi an si zia mi tampi nih an van chim cang. Nunu Rualhleng zong aa pheh bak lo. Darling kong zong ah ti sual ka rak ngei ve cang tiah a chim. An soiselnak a cohlan.

Mizo mipi nih Nunu Rualhleng an soisel ning cu a fak taktak. Na hawinu C.Lallawmzuali ruang ah na vergin ti lo ti kan theih i a poi ko tiah a timi hna an um. Kan i hmuh ning zong ai dang dih cang tiah a timi zong an um fawn. Asinain Nunu Rualhleng nih hin a mah soisel tu pawl hi vawikhat te hmanh a let hna lo. Minung cu thil tisual caan cu a um ve tawn i, kan sual kan i ngaichih i kan hrinthan hi a biapi cem mi cu a siko tiah ruahnak ka ngei.

A tanglei ah hin C.Lallawmzuali pasal a konglam tlawmpal ka van langh ter chih i rel khawh asi.

A tu lio online chungin a lar taktak mi cu Mizo Model nungak muidawh le pumrua ttha ngaingai mi C.Lallawmzuali pasal nei dingmi kong hi asi. Zeiruang ah dah mah ti tluk cun pasal nei dingmi cu a lar ko e kan ti ahcun, a pasal ding hi miphun dang Nepali a si pinnah Patung asi. Mah cacun a tu lio Online chungin an lar taktak. Soiselnak tampi a um. C.Lallawmzuali chungkhar ca lebang ahcun theih nuam lo pi pi tampi a um fawn.

Model C.Lallawmzuali pasal ding hi Aizawl Chanmari i David’s Kitchen ngeitu khi asi. Mirum ngaingai asi fawn. A mah hi Nepali asi. Fa pakhat ngei cangmi Patung asi fawn. Mah lio ahcun, kan hnu Miss Mizoram thimnak i Runner-up simi nungak muidawh le pumrua ttha ngaingai mi C.Lallawmzuali he an i nei lai timi le man hlanhnak zong an ngei cang ti thawng mipi nih an theih tik ah an thin hung taktak. Zeiruang ah dah miphun dang theng tiah an soisel ngaingai.

Mi nuva thitumnak kong ahcun va buai le len ding khi asi bak lo. Asinain miphun dang vaat duhnak lungthin Mizo nungak muidawh taktak pawl nih an ngeih lengmang tik ah Mizo mipi nih an celh bak lo. Bia dawhcah lo pi pi timi an tam kho taktak. A dawng le caahcun an soiselnak hi celh bak ding khi asi lo. A fak taktak. Van langhter ngam hmanh khi asi tuk lo. Nain a herh ahcun comment an pek ning zong kan van langh ter tthan te ko lai cu.

Tlawmpal van langh ter ning law. Tangka ruang ah miphun dang neih a duhnak a ruang cu asi ko ka fih taktak tiah a timi tampi an um. C.Lallawmzuali le a pasal ding Nepali patung pa hi an kum zong aa thlau taktak fawn. Fapa khi si hna sehlaw cu bantuk an lo ngaingai. AN hmanthlak zoh ah hin a fiang kho taktak.

Model C.Lallawmzuali hi nungak muidawh ngaingai a si tik ah Miphun dang pa sin i a kal ding cu an thin a hung kho taktak, an ui taktak fawn. “Mizo ka si” ti zong ti ve ti hlah seh tiah timi tampi an um fawn. An bia aa dawh cah lo tuk caah ka van langh ter lo. A her ahcun ka van langhter tthan te lai.

Ka chim cang bantuk khan mi nuva thitumnak kong ah va buai len ding cu a si bak lo. Asinain a tu lio online chung i a lar ngaingai mi an si tik ah ka van langhter nak a ruang cu asi. Laimi chung zong ah miphun dang a vaat mi tampi kan um ve i mah cacun i ralrin nak ah hmang cio hna u sih. Kan fale cio zong cawnpiaknak biatak te i kan ngeih piak a hau fawn.

A tanglei bik i video ka van thlah mi hi Kala pa(Nepali pa) le a nupi C.Lallawmzuali he an lam nak video asi.

Be First to Comment

Leave a Reply

Your email address will not be published. Required fields are marked *