Press "Enter" to skip to content

Zeitlukin Covid-19 Zawtnak Nan Ngeih Zongah Ningzak Awk A Si Lo!

Zeitlukin Covid-19 Zawtnak Nan Ngeih Zongah Ningzak Awk A Si Lo!
===========================

Zeitlukin Covid-19 zawtnak nan ngeih zongah ningzak awk asi lo kan ti lengmang ko zongah cheukhat cu an ningzak, an i thuhhnawh ko. Cheukhat cu ningzak lo tein le thuhhnawh lo tein a ummi zong an um ve ko. Minung cu pakhat le pakhat i lawh phung asi lo. Cucaah a ningzak le a thuhhnawh zong um phung, ningzak lo le thuhhnawh lo zongin a ummi zong um phung asi ko. Aho palh hmanh asi lo. Minung phung asi caah asi ko.

Abiapimi cu ningzak awk asi lo, thuhhnawh awk asi lo tiin a zawmi pakhat le pakhat nih thazaang an ipeknak hi ningzaknak le thuhhnawhnak pawl hi duhsah tein an zor kho deuh lai. Ziah ti ahcun an tontimi zawtnak a khat tikah an itheithiam caah thazaang an ipe kho bik. Cucaah azawmi pakhat le pakhat thazaang nan ipek ding hi abiapi taktak.

Kan zatein hi zawtnak in a zawmi hna sinah hi zawtnak hi ningzak awk asi lo, an mah palh asi lo timi theihter peng hna usih. Cun pumpak kan iton khawh lo hna hmanh ah phone in ichonh le thazaang peknak tete ngei kho hna usih. Cun an innchungkhar caah aherhmi eidin tete hna dawr kai piak cio hna usih.

Tubantuk caan ah Covid-19 zawtnak in a zawmi cheukhat i an lungthin ah a um tawnmi cu chungkhat , hawile nih an kan hrial , an kan chonh duh lo timi khi a um tawn. Cucaah daitlang lo tein kan kiangkam kan theihmi a zawmi hna an um ahcun an caah thazaang petu tha si khawh dingin izuam cio hna usih.

Tuahserhnak hi kaa in bia chimnak in hmual a ngei deuh an ti bang, kaa lawng siloin tuahserhnak in an cungah thazaang peknak cu pehzulh tein langhter cio ko rih hna usih. A tha deuhmi nicheu dawh nih kan zatein a kan hngak ko. Credit: Salai Z T Lian

Be First to Comment

Leave a Reply

Your email address will not be published. Required fields are marked *