Press "Enter" to skip to content

Yaw Kee Le Model Halingawi Mercy Hna Thawngpangthar Vun Theih Ah Hin Cun

MMID hlasak zuamnak ah top 5 tiang a phan ve mi,Salai Yaw Kee le Kawlram huap in coversong hlasak ah pakhat nak a co tu lengdawh Halingawi (Mercy) hna cu Singapore ram chungum kan chin miphun hna nih sunglawi taktak in kan Chin Miphun Ni tuah an timh nak ah sawm an si tiah kan theih.mah bantuk thawngpang vuntheih cu Chin miphun huap in theih a nuam hringhran ko.

Hi konghe pehtlai in an langhternak ah cun mah tin a si,”Singapore Chin Phunpi Ni Ah Yaw Kee Le Mercy In Mipi Awi Ding.Chin Christian Fellowship Singapore hohatnak in Febuary 16, 2020, colhni ah Chin Phunpi ni hlunghlai takin hman a si dingih cumi ah Salai Yaw Kee Le Mai Mercy Haling Awi in mipi an awi ding ti thu theih a si.Chin phunpi ni puai hmannak ding hmun cu; 6001 Beach Road ,Carnival Cinema, Golden Mile Tower, Third Floor 03-00 ah a si dingih zing 11:30 AM in 2:30 PM tiang a si ding.

Himi puai ah nunphung laam a phunphun le nunphung thuammawi hmuhnak khal a um ding. Hall luhman ah $7 a si ding.Salai Yaw Kee hi Myanmar Idol Season 4 zuamawknak ah top 5 tiang thlengtu a siih Mai Mercy Haling Awi cu Best of Best cover song zuamawknak ah top 3 tiang thlengtu a si”tiah CHINLAND TODAY MEDIA nih a langhter.

Be First to Comment

Leave a Reply

Your email address will not be published. Required fields are marked *