Press "Enter" to skip to content

USA Um Myanmar Christian Churches Fellowship of America Nih RalTha Taktak In Rev.David Lah Caah Statement An Chuah

Kan mah he pehtlaihnak kan ngei loh tiah a timi tampi an um lio lak ah an nih cu an i tel loh. Kan mah he pehtlaihnak a ngei lomi kan si ti langhternak ah statement an chuah, kan mah he pehtlaihnak kan ngei loh tiin thiam i conak tampi an chim lio ah khuaruahhar ngai in statement pakhat an chuahmi te cu hmuh a si.Hi bantukin ca achuahtu khrihfabu cu Pathian nih thluachuahnak tampi he lam hruaiko hna seh. Cu khrihfabu cu zei bantuk khrihfabu dah an si. Raltha takin Khrih ruang ah ningzah mualpho thongthlaknak a tuarmi kan in dirkamhko tiah statement a chuahtu cu Myanmar Christian Churches Fellowship of America an si. Bawipa nih thluachuahnak pe chin lengmang ko hna seh.

Mah khrihfabu lawng nih Rev. David Lah hi an dirpi loh. A dang Bu (13) zong nih an dirkamh i bomhchanh na hauh ah cun kan chim law a zeilei paoh in kan in dirkamh lai i kan in bawmh lai tiah an ti.Zumtu sive ttung, Khrihfa si ve ttung ah hi tluk in Pathian thawngthabia a aupitu pakhat zumlotu nih taza an cuai i thongthlak an timh ko lio ah daitein hnachet bang i umter i a mah thangchiat i chimrel hna hi kan tuah awk a si maw.

Kan dirkamh dih ding a si loh maw. Hi bantuk caan ah kan i dirkamhlo a si ah zeitik caan ah dah kan i dirkamh lai.Rev. David Lah nih cun nawl a buar i a inding a si ko, zumtu cu Pathian nih a kan uktu cozah nawlpek zulh a kan fial tiah fektthupin Pastor cheukhat hna nih cun ngakchia thiltleih in nan i tleih. Bible ca chung i Khrih thawngthabia a aupitu Peter nunnak hna kha zoh ta hna u sih.Kha chan lio ah khan Rome cozah nih Khrih thawngthabia aupi a sianh hna loh, pumhkhawmh a sianh hna loh khah. Ramtang ah maw, lungkuachung ah maw, leitang ah maw tiin thanwgtha an rak chim i an rak i pum ko kha. Cu ruang ah Khrih zumtu zong an rak karh tuk khah.Philh hna hlah u sih. Cozah nih nawl a pekmi hna an zulh duhlo ruang ah cozah nih an theih hna i an tleih khawh hna ah cun hremnak an pek ko hna, thongthlak dantatnak zong an rak pek ko hna. Cozah nih nawlpek cu chuahlen ko hmanh sehlaw thawngthabia aupitu nih cun nawlpek cu a zul in Khrih thawngthabia phuang loin, aupi loin a um hlei loh.

Cu an intuarnak ruangah zum lotu tlarautlau zeizatdah an tleih khawh, Zei tlukin dah zumlotu nih Khrih hnu an zulh timi cu chim hau loin Bible ca rel ah cun theih khawh dih a si.Hlanlio Khrih saltha, zumtu cu pakhat le pakhat aa zuarmi an si lo i pakhat le pakhat an si a fah ah, an si a that ah, ngeihchiatnak ah, lunglomhnak ah aa hrawmmi an si. Cu an keneh cu tuchan zumtu a simi nangle kei nih kan zul kho ve lai loh maw. Pathian thawngtha bia aupi ruang ah tazacuai a tongmi Pathian salpa cu na dirkamh ngam lai loh maw.Dirhkamh na duh lo a si zong ah Khrihfa na si taktak a si ah cun a thang va chiat ti hlah. Pakhat le pakhat nang Bu, kei Bu ti um loin aa dirkamh ding lawngte kan si ko. Kan mah le kan mah tein cun kan hni i hlim hna hlah u sih.Rev. David Lah nih hin thlarautlau tampi a tleih hna. Zuding saei, sii tawngmi, nun a rawk tuk cangmi tampi an nunnak, an thlarau a chanhchuah hna tik ah zumlotu pawl an lau an ther i a tu bangin a sualnak hi an hmuhpiak khunnak a si ko. Thawngtha chimtu an tampi lengluang, thlarautlau a tlaitu zong an tam lengluang ko, sihmanhseh law David Lah bangin a chim kho le a tlai kho hi an tlawm.

Thingkung cu a san deuhdeuh paoh ah thlitu nih fak deuhdeuh in a den ko.Zumlotu nih Thawngtha chimtu pakhat a tu bangin taza an cuaimi hi kan zoh sawhsawh ngam ding hmanh a si loh. Zumtu nih buri hmanh i khuh in thlacam dih ding a si. Pathian nih a sunparnak caah hmang seh law Thonginn chung i khumh a si zong ah thongtla pawl nih thlarau mitvarnak an hmuhnak caah Pathian nih hmang ko seh.A tanglei khrihfabu (13) nih Rev. David Lah cu an dir kamh. Na khrihfabu nih teh a dirkamh ve maw, van zoh ve. 1.Bethel Myanmar Church, Nasgville, TN: Pastor John Thet 2.Zotung Emmanuel Baptist Church, Des Moines, IA : Pastor Pa Kung 3.Ammarillo Emmanuel Revival Church, TX: Pastor Pa Thawng 4.Bethlehem Indigenous Christ Church, Austin, MN: Pastor Soe Min Myint 5.Ethnic Nationalities Christian Church, Lansing City, MI: Pastor Zo Sai Kunga & Naing Bu 6.Myanmar Community Church, Greenboro, NC: Pastor Thang Kaap 7.Myanmar Community Church, Charlotte, NC: Pastor Thang Kaap 8.Myanmar Christian Church, Dallas TX: Pastor Sang Puia 9.Myanmar Christian Church, Tulsa, OK: Pastor Kham Khai 10.Emmanuel MIssion Church, San Antonio, TX: Pastor Sian Kam 11.Life Worship Center, Grand Rapids, MI: Pastor Tu Ja 12.Life House Myanmar Church, Austin, TX: Pastor Vung Cing 13.L.A.Myanmar Christian Church, LA,CA: Pastor Ricky Hla mah khrihfabu nih hin David Lah cu an dirkamh.World Biggest Church vawleicung ah bu nganbik a simi a ngeitu Dr. David Yongi Cho zong lockup ah thong a rak tla bal. Singapore ram ah a nganbik khrihfabu a ngeitu Pastor Kong Hee zong thong a rak tla bal ve ko. Cun American ram ah biakinn nganbik Lakewood Church i an Pastor Joel Osteen zong a phunphun in hrocer a tong balmi a si ko.A zei paoh Pathian kutcak chung tu ah chia ko hna u sih. A caah thlacam hna u sih. worldnewsforchin

Be First to Comment

Leave a Reply

Your email address will not be published. Required fields are marked *