Press "Enter" to skip to content

Updated : February 5, 2020

Novel Coronavirus zawtnak ruang ah minung a thi mi 492 an tling cang i zawtnak a tuar mi minung 24,549 an si cang tiah kan theih. Hong Kong ram ah minung pakhat le, Philippines ram ah minung pakhat he fonh in Tuluk ram leng in mithi 2 an um cang.

Ram 28 chung ah zawtnak hrik a phan cang i Singapore le Thailand ah mizaw an tam chin lengmang cang. Hi zawtnak ruangah Tuluk lei chawlehthalnak har an tong pah. The Hakha Post

Thawngpang dang relchap >>>>>

Kalay Airport Cu Kyats Nuai 212 Dih in An Remh Lai

Sagaing Ramthen Kalaymyo um Kalay Airport inn cu Vanlawng khualtlawnnak zung tawlrelnak in Kyats nuai 212 leng dih in kuah an timh tiah kan theih. “Kalay Airport cu khualtlawn tlunkalnak a bit deuh caah kuah kan timh hi a si. A hlun zong hrawh loin kan hman rih ko lai. A hlan an rak sak mi hi pee 60 a si, cun a tu kuah ding mi hi pee 40 a si i a zapi pe 100 a si cang lai. Tu lio kan ton mi khualtlawn luhchuahnak a har mi zong tlawm deuh cang lai” tiah Campany tuanvo ngeitu U Tant Zaw Tun nih a chim. Tu lio Kalay Airport cu a kuah ah pee 210, a sau pee 60 a si i a tu an kuah chap mi an dih ah cun a kuah hi pee 210 , a sau pee 100 a si cang lai. Hi Airport an kuah chap mi cu August thla chung dih ding in timh tuahnak an ngei tiah kan theih.

“Tu hrawng hi khualtlawn an tam chinchin caah Airport hi a bi tuk. Luhchuahnak lam zong pakhat lawng a si. Hlan lio bantuk in mi an tlawm ti lo, nifatin Vanlawng a chuah peng cang. Cucaah khualtlawn minung zong an tam chinchin cang caah quality tha i khualtlawn mi hna caah a tha mi inn pawl an sak a herh” tiah Kalay um khuami pakhat nih a chim. Kalay Airport cu Kawlram Vanlawng Airport vial te lak ah khua laifang um mi pakhat a si tiah kan theih. Kalay Airport cu Kalay peng chung lawng si loin chaklei Laitlang um mipi hna zong nih an hman mi a si tiah kan theih. thechinlandpost

Be First to Comment

Leave a Reply

Your email address will not be published. Required fields are marked *