Press "Enter" to skip to content

Saya Rungkaw Nih Dr Sa Sa Kong Faktuk In A Chim Mi Ruang Ah Zasang Cinzah Biachim Cu Uar Um Bak

Tuzan cu Chin Politics kong ka diary ka von thai. Media personality pawl kan catial cu, a dik tiah kan ruahmi kha piang ko kan ttial tikah, politicians pawl caahcun, a dolh a har pah men lai.

2020 November election lio ah CNLD in Chin State PM aa cuh vemi Pu Rung Kaw nih Dr Sasa cu, “na ti khawh lomi le na pahrang a si lo ahcun, i ngol” tiah April 7 ahkhan a phawmh. Cu hlan April 2 ahkhan CRPH cu, “ depte an si. Mipi dehcawh an si. Kalsual khrifa le Evan phun in Federal kalsual CRPH an si” tiah CRPH hi a rak phawmh bal cang hna.

Ziah PM hna aa cuh ngam vemi pakhat nih hi tluk in a politics hi a niam hnga? Khuate inn 10 luklak ah khuabawi ttuan ding zong ah a rak itlak ttung lai lo” tiah ka ti. Asinain a cheu nihcun forhtu a ngei caah a si lai tiah an zumh.

– Salai BLM ( CHRO) le Dr Sasa hi Rival tak an si hi, 2020 November election lio i Pi Cherry Zahau Interview ahkhan a puang/ a rak lang. Salai BLM hi NGO le Revolutionary cawh/ mix a si i, Dr Sasa hi NGO in atu Revolutionary ah a von ithlengmi si. CNF upa cheukhat le Salai BLM hna hi, Dr Sasa he riantuan hi an iharh ngai tiah biavaivuan a leng pah lengmang lio ah Salai BML nih “Federal Army How it Begin” tiah Federal Army cu hlanpi in rak thawk cangmi a si i, a tlaici cu Mipi thinlung ah a kheu i a nung” tiah a von sermon i a fan pawl nih an uar kho tak. Minung 70 hlei nih an shared.

A pehmi cu, [CRPH nih] federal Army timi bia an chim. Asinain hi CRPH nihhin Ralkap experience zong an neih bal lo caah federal army zeitin dah kan ser lai timi muisam fiang in an chim kho lo” a ti. Media personality nihcun, zeidah a ruah i mah article hi a ttial tiah a “motive” hi ka zoh colh.

A motive a si khomi tiah ka hmuhmi cu, CRPH nih Federal Army an von ser lai i, an hlawh a tling ahcun, Dr Sasa cung ah credit tam tuk a phannak hnga lo, tlaici sertu hi CRPH an si lo timi point le Ralkap experience an ngei lo timi point in defence a von ilak cia tiah hmuh khawh a si.

NDF kong a theitu upa pakhat sinah ka von hlat tikah, a thi diam cangmi buu a si i, a tlaici a nung tbk bia zong hi zumhnak sawhsawh a si” a ti. Cun, NDF hrim zong hi a thih cu um rih sehlaw, Kawl an itel lo tikah, federal a chuahpi kho tak ding bu a si lo” a ti. Cucaah, tutan ah CRPH hruainak in Federal Army hi a nung ahcun, Brand New bak te a si ko lai.

– A dang pakhat ka von peh rih lai. Nizan ahkhan, caan karlak Chin Cozah thar, “ICNCC” tiah an dirh. A dirhtu ahhin CNF, Mipi thimmi MPs, Mino bu le CDMs hruaitu tbk tampi an si. Mah caan karlak Chin Cozah ahhin Mipi thimmi MPs nih hruaitu an ttuan lai i, CNF nih defence lei an tlaih lai tiah zumh a si. Phunghrampi ahhin Chinland constitution tiah Chin forum nih an rak ttialmi kha hman dingin an timh tiah theih a si fawn. Asinain mah ICNCC ahhin CNLD an itel lo.

An itel duh lonak a ruang cu Min Aung Hlaing nih an Party registration a kan thah piak lai timi an ttih. An Party registration thah piak lai an ttihnak a ruang cu, Min Aung Hlaing nih election a auh ko lai i, cu tikah Election ah kan lut kho ti sual lai lo timi hi an phan tiah a chung bia a theitu nih an chim. Pu Siang Mang tu hi, a duh ahcun, ICNCC ahcun itel ko sehlaw, CNLD Party min siloin, amah pumpak tu in itel seh tiah bia an pek hna. By Zasang Cinzah

Be First to Comment

Leave a Reply

Your email address will not be published. Required fields are marked *