Press "Enter" to skip to content

Minung Zawtfah A Tlawm Deuhnak Ding Caah Bill Gates Nih Nika A Kham Lai

Timh lamhnak cu a sang ko mu, Ni a linh tuk ruangah a chuakmi zawtnak khamnak caah tiin a tu cu Nika a ceu hi kham an i tim cang i science movie chung bantuk in a taktak ah tuah an timh cang. Mah hi timhtuahnak a hruaitu ding hi Microsoft a dirhtu billionaire Bill Gates a si lai i Harvard University scientist thiam sang pawl he an i bawm hna lai.

Hi zawn ah hin Bill Gates hi hruaitu cu a si tinak si loin scientist pawl nih an chuaphmi an i timhnak ah a chawva tamlak te a pekchanh ve hna lai. Scientist pawl nih an zumh dan ah vanlawng pakhat an ser lai mah cu vanlawng nih cun Nika le vawlei kar ozone thuat 2nak cu Ni ceu a nemtertu ti phun khat in a kah lai.

Cu ticun Ni ceu cu minung cungah a phanh tikah a dul deuh lai i minung caah a zatawk te a si lai tiah an zumh. Sinain mah cu vanlawng cu F-22 bantuk dohnak jet fighter nakin a rang deuhmi a si a hau.

Cun vawlei in meng(mile)12 a sangnak ah a zuang khomi a si chih a hau. Mah banuk vanlawng zeimawzah sernak caah US dollar 3.5 billion a dih a hau dingkhi a si. Mifim a cheu nih cun mah hi timhtuahnak hi vawleipi a lin ter chintu a si lai tiah an zumh ve.
REF:Solar Radiation Management(SRM)

Be First to Comment

Leave a Reply

Your email address will not be published. Required fields are marked *