Press "Enter" to skip to content

Kum 72nk Chin National Day Thantlang ah CNF in Dr. Lian Hmung Sakhong Bia A Chim Lai

Kawlram Ramkomh le Chin Ramkulh dirhmun in Thantlang ah kum 72nk Chin Miphun Ni (Chin National Day) tuahmi ah CNF in palai hna kai in CNF Vice Chairman Dr. Lian Hmung Sakhong nih biachimnak a ngei lai tiah kan theih. Dr. Lian Hmung Sakhong cu tukum 72nk Chin National Day puaituahnak ah patron (nayaka) ah an thim ve mi a si.

Kum 72nk Chin National Day ahhin CNF sawm a rak si nain biachimnak nawl an kan pek lo ahcun kai kan itim lo an ti nain Daw Aung San Suh Kyi le Kawlram remdaihnak zung (National Reconciliation for Peace Center_NRPC) nih chimnak nawl an pek hna caah a tu bantuk in kai an itim than hi a si.

Chin National Front leaders at the 66th Chin National Day mindat/Daniel Sakhong
“Nihin ah biachimnak nawl Van Lian Pa (Dr. Lian Hmung Sakhong) sin ah an pek. Amah Van Lian pa nih CNF in biachimnak a ngei vet e lai” tiah Thantlang CNF Liaison Office Incharge Pu HC Ral Hnin nih The Chinland Post ah a chim.

Thantlang 72nk Chin National Day ah CNF lei in Dr. Lian Hmung Sakhong, Dr.Sui Khar, Pu Khua Uk Lian le Pu Ral Hnin, Ramkomh Cozah lei in Vice President Henry Van Thio, State Counselor Daw Aung San Suh Kyi le vuanci pawl le Chin ramkulh Vuanci le rianngeitu dihlak an kai lai tiah theih a si.

NLD Cozah a kai hnu in tuahmi Chin National Day ah CNF cu sawm peng an si nain biachimnak nawl pek a si lo caah soisel an rak tong ngai tiah theih a si. thechinlandpost

Be First to Comment

Leave a Reply

Your email address will not be published. Required fields are marked *