Press "Enter" to skip to content

KIA nih Myitkyina Pawng Ralkap Sakhaan Pakhat an Lak

KIA nih Myitkyina Pawng Ralkap Sakhaan Pakhat an Lak
——
Nihin zinglei ah Myitkyina he meng 13 hrawng a hlatnak Washawng khua pawng i Myanmar ralkap sakhaan cu KIA nih zinglei sml. 5:00 hrawng ah an doh i suimilam pahnih chung ah an lak khawh, tiah theih a si.

Hi Myanmar ralkap sakhaan hi Washawng, Chiphwe le Kanpeihtti lamton ah a ummi a si. KIA nih sakhaan an lak hnu ah Myitkyina khua cung ah Myanmar ralkap helicopter pawl an zuang i, Washawng lei ah ralkap thazaang an chap, tiah Kachin tualchung thawngzamhnak pawl nih an ttial. The Chin Journal

thawngpang dang relchap >>>>>>>

Alak Phawt Dingmi Thantlang COVID-19 Bawmhnak Facang pawl a Man in an Zuar
————–

COVID-19 caan chung ah Thantlang khuachung mipi sin ah alak in bawmhnak pek dingmi facang pawl cu uknak lei zung nih a man in an zuar hna, tiah thawng kan theih. Aluancia nihnih thawk khan uknak lei zung nih Thantlang Town Hall ah cu facang pawl cu tun khat 35,000 MMK in man deng deuh ngai in an zuar hna.

Micheukhat nih, “Facang zong a ttha ngai i, a tun zong a uak ngai. Tun khat ah 35,000 MMK in man tlawm ngaiin an zuar hna. Nihin zinglei zong ah an zuar,” tiah The Chin Journal ah an chim. Ralkap nih uknak an chuh hlan NLD chan ah COVID-19 caan chung ah alak in mipi bawmhnak pek ding in facang, chiti le cite tibantuk pawl ramchung khua kip ah an rak khon hna.

Atu Thantlang i a man in an zuarmi pawl zong hi NLD cozah nih a rak khonmi COVID-19 bawmhnak facang an si, tiah kan theih. The Chin Journal

Be First to Comment

Leave a Reply

Your email address will not be published. Required fields are marked *