Press "Enter" to skip to content

Hlasak Thiam Iang Len Sung Nih Korea Hla A Sak Ciammam hi Cu A Thiam Kho Taktak (+Video)

Laimi hi Pathian nih an kan dawt i a lamkip in kan thangcho taktak. A bik in aw tha le hlasakthiam tampi an chuak chin lengmang. Hi kan aw tha pawl le kan hlasak thiam pawl hna nih hin an awthat nak le an hlasakthiam nak hna hi Pathian sunpar nak caah tiin an si khawh tawk in Pathian hlasaknak in Pathian rian an ttuan hna. Pathian nih a pek mi hna awthat nak hi amah Pathian sunparnak ca ah kan hman hrimhrim a herh timi lungput an ngeih mi nih hin Pathian lung a lawm ter hrimhrim lai.

A tu lio thangthatnak hla a sa mi hna lak ah Pathian nih a hman taktak mi kan naunu Iang Len Sung hi kan theih dih cio lai ti zumhnak a um. Kanmah Laimi lawng hmanh siloin kan unau a si mi hna Mizo mi hrimhrim nih cun an uar tuk mi a si. Kanmah laimi sin i a sunlawi naknak hmanh khon Mizo mipi sin ah a sunlawi deuh i an uar deuh ti usih law kan palh lem lailoh.

Laihla le mizo hla lawng siloin a tu ah cun Korea hla tiangin Pathian thangthatnak hla a sa. Mizo Hla le Laihla sak hi cu thil har tuk a si loh nain holh phundang a simi Korea hla hna va sak khawh hi cu uar a um tuk hringhran. A thiam le thiam lo khi cu va um rih seh, Pathian sunparnak caah tiin hehchet in a va byheart mi hrimhrim hi a sunglawi tuk hringhran, ai pek nak le a tumruhnak thinlung hi upat awk a tlak tuk hringhran. Korea hla a sak mi te hi van ngai ve. Bawipa nih hmang chinchin seh. chinlandtodaynews

A Video a tanglei ah kan van chiah.

thawngpang dang relchap >>>>>

NLD Cozah Nih 2020 I Thim Nak Ah Teinak Hmuh Kan Duh Nak A Ruang Cu

Kum 2020 rampi ithimnak ah mipi nih cuanh cem mi hna cu USDP le NLD hna hi an si ko cang tiah chim usih law kan palhtuk lem lai lo dah!USDP hna nih cun tukum 2020 ithimnak ah teinak kan hmuh lo a si ah cun zei tik hmanh ah teinak kan hmuh lai tiah ruahchan nak a um ti lo tiah an chim ve.NLD party hna nih cun kum 2020 ithimnak cu kan mah kut ah a um tiphun khin zalong ngai in bia an chim cuahmah cang.a mah belte cu NLD le USDP karlak thil tampi a um mi chungah pakhat te kan theih a hau.

USDP nih kum 2020 ithimnak ah tei nak hmuh an duh nak hi zei dah a sullam a si?USDP nih teinak a hmuh a si ah cun ralkap kha a t’hawng chin lengmang lai i,cu hlan nak hmanh in ralkap kha a thazaang a t’hawng chin lai ti cu a fiang. NLD nih teinak hmuh a duh nak a ruang bik cu thil tampi lak ah a cozah ralkap lei hi cawlcang kho lo in tuah i,rampi mipi hna caah zalon nak sersiam kha an i tim.ralkap lei rian t’uan nak vialte hna cu hlawt dih in nunthar in rampi cu nunter t’han dingah timhlamhnak kan ngei.cu pin ah mipi le NLD cozah rian t’uan t’i in ralkap thilti khawh nak cu dinhter cawlh kha a si.

NLD le USDP dirhmun hi fiang tein kan theih a herh mi cu USDP nih teinak a hmuh bak a si ah cun ralkap thazaang t’hawnter kha a si.NLD nih teinak a hmuh a si ah cun Rampi, mipi nih duhdim nun kan hmu lai ti nak a si tiah NLD hruaitu San Myo Lwinnih a chim.a mah belte NLD nih teinak hmuh sehlaw Democracy ram taktak sinak le ithit hruainak lei cu chim khawh a di fawn lo.a tu Kawlram dirhmun ah cun USDP le NLD ah pakhat paoh nih teinak an hmuh lai caah vote pek ning kan i ralrin a herh.

USDP nih cun a mah pumpak nun nuamh nak le t’hangthat kawl nak lawng te a ruat chin lengmang lai i,NLD nih mipi hmangin cherhchan a lak lai i mipi lila kha foinh a timh peng fawn lai.NLD nih a chummang sawhsawh a deu Democracy sinak kha mipi a kamh chin lengmang lai.zapi zaraang nih kan thei kho ti lai lo.mipi duh ning in bia a chim thiam mi le a chim khotu ah mit fut a fawi te hi mu.zei tin dah na ruah party dang telh lo USDP le NLD ah a zei dah vote pek ding ah na ruah? worldnewsforchin

Be First to Comment

Leave a Reply

Your email address will not be published. Required fields are marked *