Press "Enter" to skip to content

Hakha Ah “Dawtnak Khaa” Timi Movie Tawi An I Thlak Lio Pi A Si

Chin Art zung tawlrelnak in Hakha ah “Dawtnak Khaa” timi Lai movice tawi cu August 2 in thlak an thawk i tu hi an i thlak lio pi a si tiah kan theih. “Tu hi kan voi khatnak kan tuahmi a si i Movie kan thlakmi zong tlawmpal a tawi pahmi khi a si. Abik in tubantuk kan tuahnak a ruang cu, mino tampi hi lemcang lai in tampi thangcho u sih ti kan duh. Cun hmailei zong ah Lai movie saupi tiang i thlak kho u sih ti hi kan chunmang cu a si.

Tutan kan thlakmi lemcang a sullam cu mino hna duh dawtnak lei ah fimchimhnak le tu lio mino si ning pawl fimchimhnak caah a bik in kan tuah hnawhchan hi a si. Hmailei mino lemcang kan thancho chin lengmang nakhnga a bik in kan i tinhmi a si” Chin Art zung Director Salai Jame nih The Chinland Post ah a chim.

“Hi Lai Movie tawi “Dawtnak Khaa” kan i thlakmi cu Chin Art facebook page in YouTube ah kan rak thlah te lai, zapi nih thazaang rak pe cio ding in kan in sawm hna” tiah Chin Art zung riantuantu pakhat nih The Chinland Post ah a chim.

Hi “Dawtnak Khaa” timi lemcang ah Fidi le Fitlaw cu, Fidi ah Ami Cinzah, Fitlaw ah Van Bawi Sang, Director ah Salai Jame, Script ah Salai Biak Za Cung an si. Cun a dangdang ah Hakha mino palinga zong an i tel tiah kan theih.

Hi Chin Art zung ah riantuantu hna Staff zapi cu minung 5 an si i a bik in an riantuan mi cu pre-Weeding hmantlak, Weeding vedio, weeding sawmnak ca, le adangdang tampi an tuah chih. Cun tubantuk in Lai Move zong an tuah chih hi a si tiah kan theih. thechinlandpost

Be First to Comment

Leave a Reply

Your email address will not be published. Required fields are marked *