Press "Enter" to skip to content

Elaw Khah Zokzok In Rak Zoh Cang Hih Aung La N Sang & Brandon Vera (+LIVE)

Tu tan ah Japan ram khualipi Tokyo ah a tu an tuah cuahmah lio mi ONE Championship, Mixed Martial Arts i ONE: Century puaipi bik le ropi bik mi cu theidih a si cang. Mipi zong nih kan i ngeih taktak a ho nih dah ai tei la tihi bia tak tein kan cuanh mi a si, Aung La N Sang nih tei seh law ti hi Chinmi kan thlacamnak cu a si ko, a zohnak lei zongah bia tak tein tha pek hawh zuam hna usih.

Mah ka zawn ONE Championship ah ONE: Century puaipi Part 1nak ah hin Myanmar mi Phoe Thaw timi zong Korea micak Yoon Chang Min he an an i thong i Korea micak Yoon Chang Min cun Myanmar micak Phoe Thaw nih Round 1nak Minutes 3:17 ah a tei.

Atu hi ONE: Century Part 2nak a si cang i, Part 2nak in Main Event hi vawlei mipi nih kan theih tuk mi Aung La N Sang le Brandon Vera tei’ pahnih an si. Brandon Vera hi cu Heavyweight division in tu lio vawlei cung Champion a si i Aung La N Sang hi Light Heavyweight ih Champion a si ve. Aung La N Sang le Brandon Vera hi Weight bangawlo an si ko nain, Brandon Vera nih cun Aung La i Weight a simi Light Heavyweight ah a ngiar mi a si.

Tu tan i taisawm an i cuhnak dingmi hi Light Heavyweight taisawm a si, tu lio Aung La N Sang nih a aichiah mi a si. Aung La N Sang nih Light Heavyweight Champion sawm hi a la kho hnga maw? theih cu a si rih loh a sinain kan van zoh hnik lai cu.

Video

Thawngdang kan van zoh chih lai >>>>>

Chin Chief Minister Pawl Cu Zomi Khuado Pawipi Puai Ah Sunglawi Taktak In Zupu He

Nihin ni October 11, 2019 ni ah Zomi Khuado Pawipi puai cu hlunghlai ngai in an tuah. Mah puai hi kumthar zong in auh mi a si pinah Khah-thar-Ei puai ti zong auh mi a si. Mah le pengkulh auh ning le min pek ning a dang caah tam deuh nih cun Khuado Pawipi puai tiin an auh, tiah an chim. Chin ramkulh chung pengkulh vialte nih kum fatin tein October thla chung ah an tuah tawnmi puai sunglawi ngaingai kan ngei chun mi pakhat a si.

Nihin ah an tuah mi Khuado Pawipi puai ah hin Chin ramkulh, Chief Minister Salai Lian Luan, Chin ramkulh Hluttaw Speaker U Zo Bawi, Pyidaungsu tlangcung Affairs Ministry zung aiawh in U Min Aye Ko le Hluttaw palai pawl, cozah zung lutlai pawl an i tel kho dih tiah theih a si.

Mah puai chung ah nunphung hlasaknak, nunphung lam hmuhsaknak, nunphung thilri pawl hmuhsaknak, lentecelh nak lei puai tuahnak, mi khual pawl donhnak a tel lai tiah theih a si. Mah puai hlasatu dingah Myanmar ramchung Chinmi minthang hlasakthiam pawl sawm an si hna. Hlasakthiam an sawmmi hna cu: Thang Paa, Jenevy Sui, Khuppi, David Lai le Lin Thu Pau Nu pawl an sawm hna i, tha taktak in hlasaknak an ngei lai tiah theih a si.

Mah puai kong he pehtlaih in abiapit in kum hlun thlahnak le kumthar donhnak caah tuahmi a si i, kum khat chung ah lothlo a dih caan le lothlo mi chung in a theipar lak caan a si caah hlawntlinnak hmuhnak langhternak pakhat zong a si tiah an chim. Mah Khuado Pawipi hi ni (2) chung tuah a si lai. October 11 – 12, 2019 ni tiang tuah a si lai tiah theih a si.

Note: Chin miphun nih sungsak ngaingai mi Chinmi nunphung pupa zu zong nihin ni tiang an tuah rih i, Chin ramkulh Chief Minister pumpak hrimhrim nih thaw taktak in a dinnak hmanthlak pawl cu a lar kho taktak. globalchinnet

Be First to Comment

Leave a Reply

Your email address will not be published. Required fields are marked *