Press "Enter" to skip to content

Dr.Ngun Cung Lian A Soiseltu Cu Bu/Mah Miphun Khuaitu/Sehtu An Si

Admin hmurka; Dr.Ngun Cung Lian kongah chikhat cu online cahmai vun kau ah cun a khat bak.kan hnu lei ah Dr.Ngun Cung Lian nih cun caan saupi a rian t’uanti hawi a si mi CNF Luhtlai Zing Cung cu hi tin a rak ti.”Zing Cung cu US cozah nih a rak tlaih i,thongah chikhat cu rak chiah a si.an tlaih nak a ruang hi Mirangholh a thiamlo ruangah US nih a tlaih” tiah a rak chim ruangah mipi nih soisel le thangchiat a rak tong cang.

Atutan zongah Dr.Sasa nih a hawi t’ha a si mi Rev.David Lah nih tlaihkhih nak a ton mi kongah hnemhnak le a tuarpi nak kha capar tlawm te in a mah Fb timeline ah a vun langhter.Dr.Sasa nih caption tlawmpal te hmangin Rev.David Lah a tuarpi nak a langhter mi tangah cun Dr.Ngun Cung Lian nih aa thawh i ( Zawng keng.Khrihfa mi hna min a chiattertu na si,Police station le Court ah cun law. rules and regulations pawl hna cu chimrel len hlah) tiah comment a pek.curuangah a tu hi soisel a ton nak cu a si bik.

Cuanhnak: Dr.Ngun Cung Lian hi Chin miphun huap in kan cuanh a si ah cun zohchun tlak le pasal t’ha cu a si hrim ko.fimthiam nak lei in siseh,cawnnak lei in siseh,a rian t’uan nak lei in siseh,Chin miphun mino vialte nih a nun khi cawnphu cu a si.a mah belte cu Pathian nih fimthiamnak a pek mi khi a hman zia a thiam lo biatu a si tiah ka ruah.a fimthiam nak hna khi a laihri tlai,a miphun le ram caah vun hmang sehlaw zei dah a lawh ve hnga!a ca tuah thlacam nak in bawm usih.

Hi kongah Pu Hren Iap nih cun hi tin a langhter“Dr. Ngun Cung Lian, pasaltha, mah miphun lawng silo in, Myanmar, huap in ram le mi phun ca na tuan, na mi phun nih kan in bomh khawh nak um lo,mi dang cu, Doctor an hun si bak in mah miphun sehtu sahngar tumpi an si. Khrih fabulo ah hnahnok le duhfah nakin an khat, bu an khuai. CBCUSA ah hin bu sawmkua leng an chuah cang, cu bu cu ai khat ko tungmi Trnity siko. An mah le an mah an I seh, a tuartu cu khrihfa bu an si. Remnak bia velhle chim cu an cawnmi si cang. An thiam ngai, zei hngallo lungmong rual cu hell lei an naih chin lengmang, a pawi tuk. USA ah hin an mah hna hi pei tuanlo hlawh tam ei mi an si. Cu bang cu nang mah tein nai cawm pinah ram le miphun a dawt nasi, an in soiselnak hi bia pi in ruat hlah mu” tiah a ti.

CNF LUTLAI ZING CUNG AN RAK TLAIHNAK KONGAH DR.NGUN CUNG LIAN BIACHIM MI FIANTERNAK REL NA DUH AH CUN RELCHAP: 2004 Chin Consensus Building tuah dih in April thla in Thailand lei ah kal ding in Camp Victoria hlun in Aizawl- Imphal-kawlram in Thailand Measod ah ka rak kal. NC an rak tuah hnik lio a si i ram dang phone (International Phone) an rak phih dih lio a si. Mah ahcun Rangoon ka phan. NC lio a si bantuk in an rak stick ngai. Rangoon in Pha An lei ah ka kal i Measod lei ahcun ka rak ra.ZC cu mah lio ahcun CNF in kan Vice Chairman a rak si. NDF ah General Secretary a si. A mah he East CNF Office hun ding le tuan ding in an rak kan ti i ka rat nak cu a si. MA nih tuah mi training ah CNA in Sang Lian Thang, Hlah Tun le Piang Thar 2003 kum ah an rak kal ter hna i RCSS/ SSA (S) ah an rak um. Mah training an dih in2004 May thla chung ah ZC te inn ahcun kan rak phan ti dih hna. Thailand ka va phak lio ahcun a nih cu Visa extend tuah ding in Bangladesh ah a kal lio a si.Ka phak ni 4 hnu ah a rak phan.

Measod ahcun a nu pi le a fapa/nu le an nau nu an rak um hna. A mah a phak hnu ah kan hawi le pa 3 hna cu an rak phan ve. June (or) July thla thawk ka ah DAB meeting an ngei hna.Mah meeting an dih in Dr. Aye Maung cu Bangladesh passport aa tlaih ve mi a si bantuk in Bangladesh ram ahcun a va kir. Mah a kir ahcun an rak tlaih. Cu hnu ah an thlah than. Pu Zing Cung zong cu July thla ah Thailand in USA lei ah a rak kal. USA in ram dang ah a kal i mah a rak kir USA a lut than ah an rak tlaih. An tlaih hnu pi ah contact an tuah khawh i an tlaih ti ah kan rak theih. Hi kong he pehtlai in ruah nak tam pi a rak um mi cu report tu an um i a si lai ti ah rak ruah dih an si. A mah an tlaih hlan ah Dr. Aye Maung an tlaih. A hnu thla 1 hnu ah Pu Zing Cung an tlaih ve. Tam pi ruahnak a rak um.Asylum sawk ding in an rak ti lio ah a rak duh lo caah a hnu ah a si kho lo ti a theih hnu cun Asylum sawk ding in an rak ti i Asylum cu a rak sawk.

Cu i a herh mi pawl ding ca NDF, DAB le NCUB hna i recommendation ca pawl kha ka rak lak piak hna. DAB le NCUB hna i an GS pawl hi kawl pawl an si caah ca cu chun ah rak la hlah zan ah rak la te an ka ti i KNU in kan nau pa Saw Chit he kan va kal i kan va lak.Cu i an tial mi ahcun mirang holh thiam lo nak kong aa tel lo. Ram caah kan riantuan pi hawi a si. NDF i GS a tuan lio mi a si ti le terrorist a si lo ti mi kong an tial. Mirang holh a thiam lo caah ti mi aa tial lo. Cu an tlaih lio ahcun CNF/CNA le KNU/KNLA cu terrorist an si tiin an rak ti hna. A si na tein 2006 kum October thla ah USA i Foreign Secretary nih CNF/A le KNU/KNLA cu terrorist an si lo. Democracy caah rian tuan mi an si. An nih cu Junta Government a si mi kawl ralkap uk nak an doh mi a si an ti.Cu caah mirang holh a thiam lo ruang ah a ti mi kha cu Lih/ Hrokhrol le firkhut in a ti mi a si. Mirang holh a thiam lo a si ahcun mah bantuk Organization ngan i recommendation lak cu a hau hnga ma? Ruah awk tam pi a um. Si nak duh ahcun mi kong hi si lo ning in chim kan hmang. Tam pi tial ding a um ko na tein mah tiang lawng hi ka tial rih lai. A herh ning in ka tial than te lai. Credit: Henry Thang Kip Mang. worldnewsforchin siannak in lak chin mi a si.

Be First to Comment

Leave a Reply

Your email address will not be published. Required fields are marked *