Press "Enter" to skip to content

China Ah Zuar A Tongmi Nu Nih A Tonmi Thil Kong A Chimmi Hi Rak Rel Ve Hmanh

A tu hi kan hmuh mi nu hi a kum in cun kum 32 a si cang i a pasal he ai tthen cangmi nuthlawi fa 1 ngei a si. A min cun Ma Ung Ma a si i China ah zuar a tong hnu ah a rak zammi a si.

A chimmi cu; kum 3 visa ca in thing thei lawh rian na ttuan lai tiin hleng ka tong. Kum 3 caah MMK ting 40 na hmuh lai an ka ti i taktak ah cun yuan 80000 a si i MMK ting 170 he ai khat..

Sinain kei ka comi cu MMK 40 lawng a si. A dang cu a ka zuartu nu nih ai lak. A ka zuartu hi China ah zuar a rak tong bal vemi a si i China pa he an ngeihmi fa 2 a ngei cang.

Nu dang zong a kawl hna i ai cawmnak. China ah cun thing thei lawh in rian ka ttuan i ka boss pa nih pasal ah na ka vat lai a ka ti. Rian ttuan ah pei ka ra ko cu cu bantuk cu a si kho loh tiah ka leh. Sinain ka boss nih ka nupi si awk ah pei zuar na si cang cu tiah a ka leh.

A ka zuartu nu nih a ka thuh taak caah zei chim awk ka thei loh i ka boss pa nupi ah kai cang. Sinain hlawhhlang bantuk cu si loin a nupi bantuk in a ka tuah. A ka zuaru nu cu ka contact lengmang nain a tlau bakin a tlau.

Zarh 1 hrawng a rau ah ka huam ti loh i kawl ram ah ka tlung lai tiah ka boss cu ka chimh. Fa na ka ngeih piak hlan lo cu khawika hmanh ah na kal kho loh tiah a ka leh. Fa tiang tiang cu kan ngeih piak kho lai loh fa a ngei vemi ka si tiah ka leh i cu ti a si ahcun phaisa na ka khirh a hau ko lai tiah a ka leh.

Cu ticun thla 7 chung nupi ah a ka tuah i ka van ttha ruangah nau ka pawi loh. Cu lioah a ka zuartu nu nih a rak ka veh i a rannak in kawl ram ah ka kua tiah ka nawl.

Cun kawl ram ah a ka tlunpi i cu lio ah palik nih an tleih. Keimah bantuk nu zuar a tongmi an tampi hna mah cu zong cu a tu tleih a tongmi nu nih a rak zuarmi hna an si. Zaangfak tuk an si hna an kum a no tuk rih fawn REF:Eleven

Be First to Comment

Leave a Reply

Your email address will not be published. Required fields are marked *