Press "Enter" to skip to content

Apoi Tuk E : Salai Van Biak Thang Ruakthlahnak an Tuah

Salai Van Biak Thang Ruakthlahnak an Tuah
———–
Kalay University pawng ah April 1 zaan ah ralkap nih an kahmi Salai Van Biak Thang (kum 19) ruakthlahnak program cu Khaikam khua an inn ah nihin zanlei sml. 3:00 in an tuah.
Salai Van Biak Thang hi Kalay University ah Myanmar Major kum 2nk a kai liomi a si. ကလေးတက္ကသိုလ်အနီးတွင် အကြမ်းဖက်စစ်ကောင်စီတပ်၏ ပစ်သတ်ခံရတဲ့ Salai Van Biak Thang (၁၉ နှစ်) ရဲ့ နောက်ဆုံးခရီး. The Chin Journal

thawngpang danng relchapp >>>>>>>

KIA Nih Kawl Ralkap Minung Tam Lak Te An Thah Hna An Thah Mi Cu A Dih Lak Ah

KIA nih Mawhan khua pawng ah ralkap motor an kah i ralkap minung 20 leng an thah hna. Kachin Ramkulh Mogyein Pengkomh Mawhan khua pawng lamcung ah a rak kai lio mi ralkap motor 4 cu Kachin Hriamtlai Phu KIA nih an kah hna i ralkap minung 20 leng an thi.

Hi kong ah Mawhan khuami pakhat nih, “Ralkap motor 4 a rak kai lio ah kahnak a chuak i minung 20 leng an thah hna pin ah an motor zong an khanghpiak dih hna,” tiah a chim. Hi a rak kai mi ralkap cu KIA doh ding in rak thlah mi an si i a hmun an phak hlan lampi ah an kah hna hi a si. Ref: DVB

thawngpang dang : Mifir Kawl Ralkap Nih Lai Khrihfa Bu Phaisa An Lak Piak Hna

Tanphu Khua ah Lai Khrihfabu Tangka le Khuami Tangka Ralkap nih an Lakpiak Hna. Kalaymyo peng chung i Lai khua pakhat a simi Tanphu khua ah nihin zanlei ah ralkap 30 hrawng nih an luh hnawh hna i khuami tangka an lakpiak hna pin ah Khrihfabu tangka zong an lakpiak hna, tiah tangka lakpiak a tongmi hna nih The Chin Journal ah an chim.

Nihin zanlei sml. 5:00 hrawng ah Lai Baptist Church, Tanphu ah Sunday School sayama a simi nu pakhat i a chungkhar inn cu ralkap nih an luh hnawh i an tangka bawm chung i 70,000 MMK an lakpiak hna.

Ralkap nih an lakmi tangka 70,000 MMK chung ah hin 20,000 MMK hi Chin Baptist Association (CBA, Kalay) Magazine an zuarmi man a si. Sunday School sayama le a naunu zong ralkap nih an tlaih hna nain an thlah tthan hna.

Tanphu khua pawng ah hin Gangaw lei in a rami ralkap pawl khamnak ca ah mipi nih ral kahcham an sermi a um i, cu ruang ah cun ralkap nih khuachung ah a rak kan luh hnawh i a si lai, tiah khuami nih an chim. Nihin zanlei Tanphu khuachung ralkap an rak luh lio ah minung cheukhat zong an tlaih hna, tiah thil sining a mit in a hmutu Tanphu khuami hna nih The Chin Journal ah an chim. The Chin Journal

Be First to Comment

Leave a Reply

Your email address will not be published. Required fields are marked *