Press "Enter" to skip to content

Ka Cah Na Tha Timi Hlathar Deborah Hoi Tial Ki Nih Sak Mi Thiam Kho Tuk E (+Video)

Kan chin mi chungin hlasak thiam muidawh aw ttha tiah Chinmi pi nih kan i zoh thlar taktak mi, Deborah Hoi Tial Ki nih Pathian hlathar “Ka Cah Na Tha” timi hla a van sak nak hi van i hrawm ta hna usih. Deborah Hoi Tial Ki hi cu a aw a tthat pin ah a aw hrim hrim hi dawhawh mipi thinlung a lak khawh tuk cu a hla nih le an nun fawn.

A tanglei ah a hlasak mi kan van chiah.

Thawngpang dang relchap >>>>>>

Hakha Le Thantlang Nih Khua Kan Ruah Deuh Aza Cang

Nihin Chin miphun kan dirhmun cuanh tikah abing tein i thlirnak, peng tlang, khua le miphun tete in I lak hrannak a karhcho chin lengmang. Mah le holh tanh cio in mah holh pin cu raal hmuh in hmuh I timhnak, mah peng le tlang a si lomi thil cu cohlan I timh ti lo. Mahca, Kawlca le Mirangca lo cu cawn ti lo ding, timi cawnpiaknak tiang in hmun cheukhat ahcun a karhcho chih lengmang.

A bikin Hakha/TT huatnak hi Kum 2010 hnu in biatak deuh in cuhlan nakin a karhcho deuh hlah maw, timi hmuh len awk in buaibainak tete hmun pah len awk in a hung um. Hi kong hi zohsawh awk a tha ti rua lo i tuaktan len kan herh cang ko lo maw cu,.. timi a ka ruahter. Cucaah hi kong hi pumpak keimah nih ka dothlat tawk le hmuh khawh tawk in a tawi khawh chung tawi in ka vun tial ve tuah lai.

Hakha/Thantlang Hi Alamkip In Bik An Si

Nihin Chin miphun chungah kan dirhmun epchunnak (comparison) tuah tikah a lamkip in Hakha/TT cu an cungnung dih ti usihlaw Pathian hna kan tla lo tuk sual lai phan aum. Asinain catial tupa nih kai timhmi cu phorhlawtnak lei siloin fim chimtu caah asi deuh.

Biaknak in evengalists, theologians le CBC kan dirhmun cuanh tikah buu ai thek lo pawl, a thawngbik le a tambik kan si. Myanmar Christian koko ahcun minlang bik le dirhmun sang pipi a phan kho kan pa le khi Hakha/TT minung lawngte an si.

Hla bia le lecture lei zong ah kan cungnung bik thiamthiam. Vawleicung ah lar na duh asi ahcun Mirang hla sa, Kawlram ah lar na duh asi ahcun Kawl hla sa, ti bantuk in Chin miphun chungah lar na duh asi ahcun Lai hla sak lo ahcun min lang taktak khawh asi lo caah kan unau Mizo tiang nih Lai hla saknak in phaisa tawrtawr in an ruh phahnak asi. YouTube I Lai hla viewers tambik kan zoh tik zongah 3.5 million viewers a phan mi hla aum i Mizo he hla bia ah kan I thlau ti lo timi hmuh khawh asi. 1 million viewers cu a tam ngaingai cang.

Ramkhel kong ah siseh, cozah riansang tuan ah siseh Hakha /TT cu kan cungnung thiamthiam. Chin miphun chung ah ramkhel rian ah a muru taktak Myanmar cozah pi hmanh nih a tih bikmi cu Laimi thiamthiam kan si ko.

Ramchung (Chinland) i kan milu zoh tikah Matupi, Thantlang le Hakha fonh ahhin Chinram milu zatceo tluk deng kan si i khualipi a umnak zong cu kan si cu.

Be First to Comment

Leave a Reply

Your email address will not be published. Required fields are marked *