Press "Enter" to skip to content

Nepali (India) Pa Nih Mizo Nungak Miss Bak A Thur Ko An Laamnak He (+Video)

(A tanglei bik ah kala pa le Miss Mizoram 1st Runner-up simi C.Lallawmzuali he an laam nak cu a tanglei bik ah a um lai) Kan unau Mizo nungak pawl cu a tu lio an thang a chia ngaingai. Kan theih cio cang bantuk in, Miss Mizoram 1st Runner-up asimi C.Lallawmzuali cu nizan ah khan kala pa (Nepali Pa) he a thiang tthitumnak an tuah. Mizo mipi nih an lawmhpi kho bak lo. Mah miphun tlau tiah fak taktak in an soisel. C.Lallawmzuali pasal kala pa hi model an uar ngaingai mi Nunu Rualhleng he zong rak i uar cangmi asi.

C.Lallawmzuali nih pasal caah kala pa a neih ah hin a mah lawng a mualpho bak lo, a hawinu Nunu Rualhleng tiang in a mualpho chih. A ruang cu C.Lallawmzuali le kala pa i neih an timh bak hin Nunu Rualhleng he aa uar bal mi an si zia mi tampi nih an van chim cang. Nunu Rualhleng zong aa pheh bak lo. Darling kong zong ah ti sual ka rak ngei ve cang tiah a chim. An soiselnak a cohlan.

Mizo mipi nih Nunu Rualhleng an soisel ning cu a fak taktak. Na hawinu C.Lallawmzuali ruang ah na vergin ti lo ti kan theih i a poi ko tiah a timi hna an um. Kan i hmuh ning zong ai dang dih cang tiah a timi zong an um fawn. Asinain Nunu Rualhleng nih hin a mah soisel tu pawl hi vawikhat te hmanh a let hna lo. Minung cu thil tisual caan cu a um ve tawn i, kan sual kan i ngaichih i kan hrinthan hi a biapi cem mi cu a siko tiah ruahnak ka ngei.

A tanglei ah hin C.Lallawmzuali pasal a konglam tlawmpal ka van langh ter chih i rel khawh asi.

A tu lio online chungin a lar taktak mi cu Mizo Model nungak muidawh le pumrua ttha ngaingai mi C.Lallawmzuali pasal nei dingmi kong hi asi. Zeiruang ah dah mah ti tluk cun pasal nei dingmi cu a lar ko e kan ti ahcun, a pasal ding hi miphun dang Nepali a si pinnah Patung asi. Mah cacun a tu lio Online chungin an lar taktak. Soiselnak tampi a um. C.Lallawmzuali chungkhar ca lebang ahcun theih nuam lo pi pi tampi a um fawn.

Model C.Lallawmzuali pasal ding hi Aizawl Chanmari i David’s Kitchen ngeitu khi asi. Mirum ngaingai asi fawn. A mah hi Nepali asi. Fa pakhat ngei cangmi Patung asi fawn. Mah lio ahcun, kan hnu Miss Mizoram thimnak i Runner-up simi nungak muidawh le pumrua ttha ngaingai mi C.Lallawmzuali he an i nei lai timi le man hlanhnak zong an ngei cang ti thawng mipi nih an theih tik ah an thin hung taktak. Zeiruang ah dah miphun dang theng tiah an soisel ngaingai.

Mi nuva thitumnak kong ahcun va buai le len ding khi asi bak lo. Asinain miphun dang vaat duhnak lungthin Mizo nungak muidawh taktak pawl nih an ngeih lengmang tik ah Mizo mipi nih an celh bak lo. Bia dawhcah lo pi pi timi an tam kho taktak. A dawng le caahcun an soiselnak hi celh bak ding khi asi lo. A fak taktak. Van langhter ngam hmanh khi asi tuk lo. Nain a herh ahcun comment an pek ning zong kan van langh ter tthan te ko lai cu.

Tlawmpal van langh ter ning law. Tangka ruang ah miphun dang neih a duhnak a ruang cu asi ko ka fih taktak tiah a timi tampi an um. C.Lallawmzuali le a pasal ding Nepali patung pa hi an kum zong aa thlau taktak fawn. Fapa khi si hna sehlaw cu bantuk an lo ngaingai. AN hmanthlak zoh ah hin a fiang kho taktak.

Model C.Lallawmzuali hi nungak muidawh ngaingai a si tik ah Miphun dang pa sin i a kal ding cu an thin a hung kho taktak, an ui taktak fawn. “Mizo ka si” ti zong ti ve ti hlah seh tiah timi tampi an um fawn. An bia aa dawh cah lo tuk caah ka van langh ter lo. A her ahcun ka van langhter tthan te lai.

Ka chim cang bantuk khan mi nuva thitumnak kong ah va buai len ding cu a si bak lo. Asinain a tu lio online chung i a lar ngaingai mi an si tik ah ka van langhter nak a ruang cu asi. Laimi chung zong ah miphun dang a vaat mi tampi kan um ve i mah cacun i ralrin nak ah hmang cio hna u sih. Kan fale cio zong cawnpiaknak biatak te i kan ngeih piak a hau fawn.

A tanglei bik i video ka van thlah mi hi Kala pa(Nepali pa) le a nupi C.Lallawmzuali he an lam nak video asi.

Thawngpang dang relchap >>>>>>

PINLUNG SACHUK CU CHINMI A KAN LEMNAK THANTHLING ASI: Chinram cu kanmah tein aa ukhruai mi kan Puparam kan ram asi. Kawlram tangum kan si bal lo. Mirang an kan peng hnu zongah Mirang nih Chin Hills Regulation Act (Frontier Area) in an kan uk. Kawl he kan i fonh bal loh.

1947 January ah Aung San le Kawl a hoi le pawl cu England ah an rak kal i, Chinram, Kachinram le Shanram cu BURMA ah fonhh dingin a thli tein Chuh an rak kan timh(Mi hrawkhrol hna). Attlee nih Frontier Areas Chin, Kachin le Shan hnatlaknak um lo ahcun nanmah Kawlmi Ministerial Burma long luatnak kan in pek khoh hna lai a rak ti. Aung San cu a ningzak tuk ah Chealsea le Arsenal pumpululh chuih zoh an sawm mi zong a zoh huam ti loh. A ran nak in Kawlram ah an rak kir than.

Kachin, Shan le Chin mi hna cu hmunkhat te ah Luatnak lak dingin a rak lem hna. A lemkhoh nak hna cu atu i Pinlung hnatlaknak kan timi hi asi ko. Cun voihnih nak England ah an kal i Tlangcungmi kan lehhmat in BURMA ah fonh i kumkhat chungah Luatnak pek dingin Attlee he sachuk an tuah.

Aung San thok in Kawlmi ramkhel a hohmanh nih Federal Democracy a duhmi an um lo. Aung San hrimhrim zong Communist/ Socialist asi. Aung San hi rak thi hlah sisehlaw Pinlung cu a hlot lai i Socialism in a ka hruai lai ti ka zumh. A chia chinchin kho men.

A fanu Aung San Suu Kyi nih a pa i a rak kan hlennak 1947 Pinlung cu 21 Century Pinlung tiin hlot a timh hoi rih.
KAWL NLD policy cu Aung San milem kha khuakip ah phun i Kawl nawlngeih nak le pennak cawisan asi. Tlangcungmi zei an kan rel lo bia asi. Hakha NLD pawl nan caan tthat lio asi..ruahsur caan ah ruahti kha tampi in rak dawn rih ko uh. (Milem do tu an um lo tiah nan hei chim ngam rih. Kan in ttih tuk hna teh..kawl ralkap pei nan sawm hna lai cu)

CHIN NLD zong nih cung lei Kawl an bawi le nawl pekmi cu an ell ngam lai lo caah Hakha khualipi ah Aung San an dirh ter cang lai. Aung San nih Chinram caah zei bantuk thatnak dah a tuah bal. Pakhat te lawng van ka chim uh. Chinmi nih nawlngeihnak kan hmuh caan a phan ve te lai. Bochuk lam e Pangpardum e Milem ti a lo caan a phan deng cang.

NOTE.. Aung San Milem dirhnak puai ah NLD cozah le NLD uar tu pawl nan dih lak tein Salam pek in upatnak rak pe te uh…tiah kan cah hna. Credit: Jacob R. Thang

Be First to Comment

Leave a Reply

Your email address will not be published. Required fields are marked *