Press "Enter" to skip to content

David Lah nih Khrihfa muisam a chiatter na ti ahcun Kawlbiaknak na dirkamh tinak a si ve

Tutan David La an tlaihnak kong ah khrihfa he fa lo he kan ruahnak a hung lang dih ngai. Cu lio ah cheu khat khrihfa mi zong nih an dirpi I an doh ve. Khua ka ruat lengmang mi cu David La hi a palh taktak ko maw? zei tahfung indah a palh tiah an ti. palh an phawtnak hi te a dik mi palh phawtnak a si maw? tihi ka ruat ngaingai.

Cheu khat khrihfa mi nih “David La hi a palh tuk, Khrihfa muisam zong a chiatter” tiaha ti mi kan tam. Abik in Upadi thiamsang kan ti maw kha Dr. Ngun Cung Lian zong nih a chim ve kha mu. David La nih Khrihfa mui a chiatter ahcun David La sual phawtu hna zong nih Kawlbiaknak tha nan pek he aa khat ko lo maw ti zong ruah a hau ve.

David La palh an phawt laizaan I pumhnak an tuah mi hi pumh khawmh ah si loin live in thawngtha thlah ding timhlamhnak an ngeih lio a si. asinain a cheu cu pumh thawh in an van I thawh. David lah nih mipi a pum khawm hna lo. Live in caan hman an timh mi a si ko. asinain kawlte ngian nih a si lopi in report a tuah David La nih kan ram upadi a buar maw? khrihfa mi nih cozah hruaitu hna cu kan tihzah hna ding a si. zeicatiah Pathian pek mi an si ko. Asinain Phunghram cu 100% kan tihzah le zulh ding a si maw ti ruah ngai a herh. Kan hruaitu hna cu thla cam piak ding. an nawl ngaih ding a si ko nain Phunghram cu anmah ser mi a si ko caah Biaknak caah zalonnak a um lo mi phunghram, Democracy zauk phung he aa kalh mi phunghram cu Pathian bia nih apahchih a herh ko.

Curuang ah pei hlan lio zumtu tampi hna zong nih hruaitu cu an upat ko hna nain covo le zalonnak a um lo mi minung ser mi phunghram cu raltha tein an pah chih i thong zong an tlak ve fom cu. kan ram phunghram hi Democracy zauk phung he aa kalh tuk mi a si caah zulh thlu awk asi lo. Pathian mithmai zoh in pah chih ding a tampi ko.

Pathian nih minung aa kan ser ah hin democracy zauk phung le minung covo nganpi in a pek chih. Pathian hi nuhrin covo a dirkamh tu sangbik a si. asinain uknak that lo ruang ah Pathian pek mi kan covo le zalonnak cu kan kut chung ah a um lo. cucaah raltha tein kan covo le zalonnak cu ka dirkamh a herh. zeicatiah zalonnak le covo a um lonak hmun ah biaknak zalonnak a um ve lo cu mu.
Tutan ah David La sual an puh mi hi Khrihfami hna namnehnak aa tel ti cu hmuh khawh a si. zeica ti ahcun: Mibu nan pum hna lai lo tiah timi ruang ah an tlaih va si kaw, David La tlaih lio ah media pawl a bubu bak in an chuak. an i pah lulh ko kha. cucaah taza cuaitu Phungki pa nih media a bubu in a pumh ti khawh a si. asiloah Palek nih an pumh hna ti khawh a si ve ko lo maw? COVID-19 runvennak upadi an buar ve ko lo maw?

Taza cuaitu nih Palek a bubu in a pum rih hna. cu lawng hlah a leng mi sawhsawh a zohtu tamlak te a pumh rih hna. ziah David La cu thir cikcin in an khih ko cang i a zam kho ding zong a si fawn lo I palek pa hnih khat nih congh le zulh ding a si ko lo maw? Cozah media pa hnih khat luhter ah a za ko lo maw? a zoh tu mibu hna kha te ziah an thawl hna lo?
Media le Palek zong cu upadi tang ah an um awk a sive lo maw? hi ti ruat lem lo in Khrihfa mi hna nih David La kan soisel ve mi hi khuaruah cu a har ko. David La nih Khrihfami biaknak muisam a chiahter tiah na au ahcun Kawlbiaknak na dirkamh a si ve ko ti hngalh ding.

kan ram phunghram hi Democracy zauk phung he aa tlak mi phunghram a si ahcun hruaitu he phunghram he kan zulh ding le upat ding a si ko. Biaknak namnehnak a tamtuk caah kan duh ding a si lo.
Hi lio caah mifim ti mi le cheu khat Pathian riantuan tu aa ti mi hna le Khrihfa aa ti mi hna nih David La kan soisel ve mi hi kan khrihfa sinak ah tih nung deuh mi an si. Khrihfa mi kan rian cu a sual he sual lo he, a hrut he hrut lo he harnak kanton tik ah thlacam le thapek in kan i dirkamh ding tu a si. (By: Rolian)

Be First to Comment

Leave a Reply

Your email address will not be published. Required fields are marked *