Press "Enter" to skip to content

Uar Um Bak : Chinnu Pi Thet Mon Myint Bia Chim Mi Hi A Tiru Ko Mipi A Lauter Dih Hna

Lemcang Thet Mon Myint Nih biadik a chim, Thil biapi pahnih taktak Myanmar ram mipi dihlak sin ah a langhter ve cang! A Pakhatnak ah a biapi ngaimi a langhtermi: Tulio rampi sandah piahnak ah Civil sawhsawh bantuk tein thil i hruk ko uh, Sandah a piahmi dihlak nih NLD Angki, NLD Flag tlaih le angki hruk hrial uh! Cun Angki a senmi hruk zong hrial uh. Myanmar rampi faktuk in buai ding in a sertu, buainak hram a thok tu cu NLD an si ti bantuk in mawhchiatnak a rak um cang kha nan theih cio ko.

Tutan Sandah piahnak hi NLD party dirkamhnak, NLD party lawng sungh zatlaknak tonmi a si lo. Ram mipi dihlak, rampi kan sunghnak a si. Ram mipi dihlak nih ralkap hramhram uknak hlonh dingin kan i timh lio a si timi thei cio hram uh, Party in dir hlah uh, rampi mipi dihlak in dir u sih” tiah a langhter.

A Pahnihnak ah a langhter rihmi cu: ram mipi, Cozah zung riantuan dihlak zong nih Civil Disobedience timi movement a i tel cio hna u sih. Cozah riantuan pawl ralkap tang um duh lo ruangah rian aa phuak mi pawl caah biatak tein dir cio fawn hna u sih. Kan za tein ralkap Cozah doh hna u sih law ralkap hi sung cikcek hna seh” tiah a langhter fawn.

Thet Mon Myint catial mi taangah pakhat pa nih ” Midang zalam zawh in sandah kan piah lio ah in ah hnangam tein an um ko” tiah comment a pek mi cu Thet Mon Myint nih ” Ka inn ah ka um sawhsawh maw timi cu rak ka zoh tuah caa” tiah a leh colh ve. Ralkap cozah an sungh khawhnak ding ah biatak tein ca a tial i mipi thazaang peknak a tuah cuahmah ve. Credit: VOM

Be First to Comment

Leave a Reply

Your email address will not be published. Required fields are marked *