Press "Enter" to skip to content

Thawngthanhnak: Dear Dallas County Le Collin County Um Hna!

Thawngthanhnak; Dear Dallas county le Collin County um hna!
========================

KN-95 hmaihuh le zawtnak rungrul thahnak chatpia ti dur pawl cu minung (30) caah hlut dingin timtuahnak a um. Hi KN-95 hi a tha ngaimi le humhim ngai mi hmaihuh asi. Hmai ihuh tik zongah holh le thawchuah tik zongah sia a rem ngai. Keimah zong nih tha tein ka test i ka uar ngai—hmanthlak zong ka rak tar chih. Cun atulio ah phaisa ngeih ko zongah hi KN-95 phun hi cawk awk a har ngai mi hmaihuh phun asi.

Hi KN-95 hmaihuh hi a tha tak maw/lo timi kongah Dr. Susan Georges ka hal i a tha tuk mi asi ati. Zeitik tiang dah hman a ngah ti cu zeitluk tam dah a leng na chuah i na hman timi cungah a um ati. Hman thiam ahcun a thla thla zong a tha kho mi asi.

Hi hmaihuh pawl hi Dallas le Collin county um ngandamnak lei ah a tha lomi le kum 60 cung sinah pek hmasa dingin timtuahnak kan ngei. A ruang cu an mah hna hi Covid-19 zawtnak nih a tlunh sual hna ahcun an zual kho ngai caah asi.

Cucaah ngandamnak a tha lomi na si siloah kum 60 cung na si ah cun hi hmaihuh KN-95 phun cah khawh asi. Cah khawhnak: Hram Ceu Bik, phone: 469-878-0775 sinah min cazin le address pek cio dingin asi lai. A mah nih KN-95 hmaihuh le zawtnak rungrul thahnak chatpia ti he nan inn ah an rak pek hna lai.

(Theihding: Hi hmaihuh hi DFW um Chin miphun hna nih an hlutmi phaisa in cawk mi asi. Keimah Salai Lian cu a tawlreltu menmen ka si.) Ka lawm,

Salai Z T Lian

Be First to Comment

Leave a Reply

Your email address will not be published. Required fields are marked *