Press "Enter" to skip to content

Zeiruang Ah Dah Pa Nih A Nupi Le A Then Tawn Hna Timi A Ruang Hi Rak Zoh Hmanh

I umh hnu zongah i tthen khawh a si i tthennak timi hi i umh hlan lawngah a cang khomi a si loh. Cu caah a tutan kan langhter dingmi cu pa pawl nih zei ruangah dah an nupi le pawl an tthen hnanak a ruang a si timi kong a si lai. Nu pawl nih i ralring awk a herh ngaimi a si i pasal nih kal taak timi hi min chiat tong duh ngai zong a si. A pakhatnak ah kan langhter dingmi pa pawl nih an nupi le pawl an kal taak hnanak a ruang cu, ruah ning/lung i khah lo ruangah a si.

Pa cu pa an si caah catang,fim thiamnak a ngeih lo hmanh ah innchungkhar hruaitu an si cang i a khua khanmi kha an nupi nih doh le cohlang piak lo a tam ahcun an tha chia i tthennak lam an kawl cang. Cu caah nupi nih an pasal cu catang niam a si zongah zoh niam loin upatnak pek buin zei paoh kha ruah tti ah a ttha. A pahnihnak ah nupi nih buainak hrial hmang ruangah a si. Innchungkhar ah buainak cu a um phung a si ko nain cu buainak cu tawlrel duh loin hrial lengmang a si achun nu le va kar ah tthennak a chuak kho.

Pa nih a biapi ngai ah a ruahmi thil kha nu nih zei ah a rel lo ahcun i zumhnak le i bochannak a tlau kho. A pathumnak ah hmurka tlawm tuk le zan thil kongah strict over ruangah a si. Pa nih nu an dawtnak cu zan thil leipang ah hin an langhter caah nu nih theihthiamnak ngeih a herh ngaimi a si. Duhnak i theih piak le i zawnruah hi innchungkhar hmunnak a si. A palinak ah nupi nih a pasal lawmhpi le cawi sang a hmang lo ruangah a si. Pa zong an tuahmi thil kip ah cawi sang piak le lawmhpi an duh ve.

Thil hme tete kong zongah lawmhpi an tong lo ahcun i zuam duhnak thinlung an ngei ti loh i an nupi cungah an i lawm kho ti loh. A panganak ah pa dang mit au ruangah a si. Pasal um lo kar, pasal khual tlawng kar ti bantuk ah nungak bantuk in i ttamh i pa dang mit au kha a hnu ahcun a puang tthan tthiam tthiam caah pa nih an hua cemmi a si. A paruknak ah sik cak tuk ruang le phunzai cak tuk ruangah hin a si. Pa nih palhnak hmete a tuah caan ah ngeihthiam khawh a si komi kha fak tuk in sik le phunzai hnawh timi kha pa nih an celh lomi a si..

Be First to Comment

Leave a Reply

Your email address will not be published. Required fields are marked *