Press "Enter" to skip to content

US Le Iran An Kar I Bia Thli A Um Mi Cu Hi Ti Hin A Si

USA le Iran tension hi tamtuk a um nain kan ttial cawk lailo i, a zualpi tal hi ttial khawh kani zuam tuah lai. Hlan lio kum 1979 kum lio hrawng khan arak i thawk cang mi asi i, kha lei kha cu kan ttial ti lai lo.Pro Iran Militia hna nih Iraqi Army base an kah ruangah khan US Contractor pakhat athi i, US army zeimazat nih hliam hma an tuar ve tikah, cucu phuba laknakah US nih cun, Fighter jets in akah hna ve tikah, Iran militia minung 25 bak a thah ve hna i, cu mi duh lonak ruangah cun, Militia hna nih cun Iraq ram i US Embassy cu an kulh i an suausam kha asi.

US Embassy an suausam lio ah khan vanpang te hna le thlalang te hna cu an khuai dih i, US marine hna nih van lei boruakin Helicopters te hna he an ven tikah cun, boruak a sang chin chin lai tiah an phan caah,Iran militia hna cu an ttin cawlh ve dih tiah an rak chim mi cu asi. Iran nih a bawmh mi hna Militia hna nih cun US minung hna cu, thah dih zongah a pawi lo tiah an rak tterhkhawn ve hna tikah cun, Trump nih cun faktuk in a tterhkhawn ve cang hna i, a tterhkhawn hnu in,nikhatnakah cun,a kah ve cang hna mi a si.

President Trump nih cun, Ralhrang hna cawlcanghnakah hin, Iran cu mawhphurtu ah a puh i,sihmanhsehlaw, Iran a zeihmanh arel lo tikah cun,Trump nih cun ataktakin a kah cang hna i, hi Drone kahnakah hin Iran General long silo in, ISIS hruaitupa Deputy leader Abu Mahadi al-Muhandis cu Drone kahnakah hin, a thi ve tiah theih asi. Iran Gen.Qassem Soleimani hi vawleicung i ralhrang hna kip ah hin a rawlh mi le, a bawm mi hna asi i, Cu bantuk cun Militia hruaitu Deputy Commander Abu Mahadi al- Muhadis zong hi, ttih nungtuk mi le ISIS hruaitu pa Bin ladennak hmanh in ttihnung deuh mi asi tiah an rak chim zungzal mi cu asi ve.

US kahnakah hin an hruaitu bik asi i,kum 2017 lio khan US nih cun a luman ah tangka tamtuk arak thap cang mi kha asi fawn. A tu nai i, Drone in an kahnak hna hi, Pentagon le Trump athli tein an rak khan cang mi asi i, Iran Ralbawipa Qassem Soleimani thahnak zongah hin, US Congress/Democrats hna pakhat hmanh an chim hna lo tiah theih an chim. ISIS hruaitupa Abu Al-Baghdadi an thah lio zongah khan Democrats hna zong kha zeihmanh anrak chim hna lo ti si.

Iran le US hi boruak arak sang cia cang mi asitikah a tu-ah hin an boruak hi a sangchinchin ko cang. US Media hna le Democrats hna nih cun Trump nih Iran General a thah ruangah hin US minung kakip i a um mi hna caah ttihnungtuk ko lai tiah an chim i,sihmanhsehlaw Trump nih a thil tuah miah cun zeihmanh an sawiel ngam taktak lo ti si. Hi lio ah hin Zawngsennu,Nancy Pelosi nih cun, Trump cu arannakin zeithil poh hi rakkan chim ve cang seh tiah a ti lengmang ko cang ti si. chininternationalnews

Be First to Comment

Leave a Reply

Your email address will not be published. Required fields are marked *