Press "Enter" to skip to content

Thin Phang Bak A Si Cang : US Citizens Pohpoh Nih IRAQ Ram Chuah Taak Zokzok Ding

US State Department nih cun Iraq ram ah a ummi US minung pohpoh cu a ran khawh chung in IRAQ ram chuah taak viar ding tiah a theihter hna. IRAQ ram i US embassy le consular vialte zong khar dih an si cang i, pehtlaih chawnhbiak ti lo dingin a theihter fawn hna.

Kum Thar zing khuaceu hlan deuh ahkhan IRAQ ram Baghdad International Airport hmun pawng cu US drone strike nih a den i, Mawtaw chung ah IRAN Ralbawi General Qassem Soleimani cu bomb nih a thah. Cu he pehtlai in IRAN Acozah nih nithum chung Gen. Qassem Soleimani ruak-humh ding tiah a thanh i, cun US sin ah teirulchamnak kan tuah hrimhrim lai tiah an phuan colh ruang ah US Rampi nih US citizens pohpoh Iraq ram chuah taak viar ding timi theihternak hi hnawhsahre in a chuah colh.

Israel Prime Minister Benjamin Natanyahu zong nih “US nih Iran ralbawingan Gen. Qassem Soleimani a kahmi cu a conglawmh. Israel cu US lei ah kan dir ko” tiah a chim colh.

IRAN ralbawingan Qassem Soleimani hi Terrorists/ ralhrang a dirkamhtu hna a si i, Israel le US huatnak in a khatmi pa a si. ISIS zong a dirkamhtu a si. Amah kut le a bawmhmi hna ralhrang kut in US ralkap le a hawile NATO ralkap nunnak tampi an liam hna. “IRAN ralbawi Soleimani hi a thih a herhmi a si” tiah Israel Prime Minister Natanyahu nih a chim. Salai Thomas Lian

Be First to Comment

Leave a Reply

Your email address will not be published. Required fields are marked *