Press "Enter" to skip to content

President Trump Nih Iran A Kahnak Konglam Ah A Lawmh Pitu An Tamtuk

IRGC Commander Gen.Qassem Soleimani thahnak konglam he pehtlaih in, US President Trump cu a lawmhpitu le afaktuk mi an tamtuk ko tiah theih asi. sihmanhsehlaw hi lio ah hin,Iran cu, a thinhungtuk ko ti si ve .Russia nih cun Iran cu,a zaangfahnak le a tawrhpinak bia a chim ve cang tiah theih a si.cu lio ah cun, Nancy Pelosi nih cun Congress nawl lo in, a kahnak le hi nih hin, Middle East ram chung ah buainak tamtuk a chuah pi lai tiah a sik len ve ti si hawi .

Sihmanhsehlaw, Republican Lawmakers hna nih cun, President Trump nih Iran Revolutionary Guard Commander Qassem Soleimani thah dingin nawl a peknak le a hlawh tlinnak cu thil lawm umtuk mi asi tiah an chim ve cang.House Republican Kevin McCarthy nih cun, President Trump nih hin, Vawleicung hmaiah US tthawnnak le US a kap mi hna lakah a nepbik lo mi a si zia, a langh ter tiah a chim ve. Senator Lindsey Graham nih cun, Wow American akap mi hna nih , lawm man an hmuh mi cu, a menmen asi ttung lo e a ti ve ti si.

Former National Security Advisor and United States Ambassador to the United Nations,John Bolton , nih Twitter leiah a poast miah cun, Iran General Qassem Soleimani hi, nuaibo kani timhnak a sautuk cang mi asi i,Iran caah cun,an ralkap hna umnak hmunpi pakhat a cim cang tinak asi tiin a a twitter ah cun a ttial ve i, ralhrang hna phukhat cu kan tei cang hna tinak asi cang tiah a ttial chih ti si.

Senator Tom Cotton Republican from Arkansas zong nih a twitter ah cun Iran General Qassem Soleimani cu a phutawk a tawn mi asi tiah a twitter ah cun a langh ter ve ti si fawn. Democrats lei hna nih cun zeihmanh an chim lo i, Trump nih thil ttha a tuah mi pohpoh ah cun zeibia hmanh an chim duh lo i, dai tein an um dih ko ti si.

Be First to Comment

Leave a Reply

Your email address will not be published. Required fields are marked *