Press "Enter" to skip to content

Paisa Duh ninglaw, Paisa ka kawl ko hnga lo maw!

Mintaa (Actor) tuan dingin an rak lem: Billy Graham hi a chanh lai lio ahcun a ruangrai le a tha i, mipiang muidawt tak a rak si. Cutikah Paramount zuknung riantuannak pi nih zuknung lemcangtu dingah an rak lem. 1950 kum ah khan NBC nih kum khat caah Dollar 1,000,000 pe dingin an rak ka sawm.

Asinan Thawngtha chim a duh deuh ruangah a el hna. Mipi lak i thawngtha a chim lio ah mipakhat nih “Crusade tuahnak i bia na chim hi teh, paisa na duh ruangah a si ko lo maw?” tiah a rak hal.

Cutikah anih nih a zal chungah cahtlap fate pakhat cu a hun chuah i, bia a hal tu pa cu hi ti hin a ti “mah hi hi Hollywood zuknung lem cang dingin chawva pi dih in an ka lemnak cahtlap fate a si i, paisa rak duh ning law paisa ka rak kawl hnga lo maw!” tiah a vun let.

USA President tuan dingin an ka sawm: 1963 kum ah khan President Lyndon Johnson he nak rak um lio ah khan, “Keimah president ka tuan theh veten nangmah tuan hmen. Ka minung neimi pawl hinangmah hrimhhrim tam pi dingin ka forh hna lai” tiah president pa nih cun a sawm.

Billy Graham nih, “Kei cu president tibantuk tuan ka thiam lo” tiah a el i, Johnson nih cun “Kan capoh mi a si bak lo tiah a rak sawm chih mi a rak si, nangmah nih na tuan ahcun American na thleng khi duh mi zong a si” tiah a ti.

Richard Nixon zong nih Hlutdaw palai tel ve dingin le cozahpi chungah um ve dingin a sawm tuk fon. 1952 kum ah Taxas i milian tak tak mipa H.L Hunt zong nih cun “President ding in na zuam ve a si ahcun Dollar 6,000,000 pek lai tiin bia a kam.

Cuti USA president riantuan cu Pathian nih a fialmi rian a si lo tik ah thawngtha bia chim lo vun zeidang tuanding ka si loh a ti caah a si.

“ Sianginn saknak hmun ah kan Palm Beach Gardens timi ram eekah 1,000 le Dollar 60,000,000 kan pek lai. Cun, kum khat ah Dollar 3,000,000 zong kan pek lai.
Na lungtlin i sianginn na dirh ah cun, Yale le Harvard siang inn pawl na tluk dih hna lai” tiah a ti. Asinain Billy Graham nih cun, “Pathiam fial mi rian a si loh a hei ti men ko.

 

Vanram cu khawi ka ah dah a um? tiah mi nih Billy Graham an hal i, hitin a chim, “Vanram cu Jesuh Khrih umnak hmun, a rauh hlan te ah a sin ah ka kal nak ding hmun kha a si.

Hi vawlei kan khualtlawn nak i a dongh nak kan phak tik ah a hram kan phak nak long a si lai. Nikhat khat ah Billy Graham a thi timi thawngpang nan theih tik ah nan fiang te lai.

Kum zabi 20 ah Billy Graham tluki thawngthana chim kho tu an um hnga maw ti a si. Rampi 185 tiang va phan in minung 215 million sin ah thawngthana rak chim tu a si.

Kum 80 chung zumhtlak tein a rak tuanpiak mi pathian sin ah ai din cang. Pathian salpa a si mi Evangelist Billy Graham nih cun Pathian nih a fial mi rian hi zeidah a si timi hi a fiang tuk. Culawng si lo in, cu Pathian fialmi rian a tuan tik ah pumpak thangthat nak, chawva hmuh nak thil dangdang he a cawh ve loh.

Credit: Meifar

Be First to Comment

Leave a Reply

Your email address will not be published. Required fields are marked *