Press "Enter" to skip to content

Kawlram Hmun cheukhat ah “ThimNak” a um lailoh, an tuah lai loh

Novmber 8 i Myanmar rampi i thimnak ah Ramkulh le Ramthen 6 nih hmun cheukhat ahcun i thimnak nak a um kho lailo tiah rampi i thimnak tuanvo neitu nih an thanh.

Rampi i thimnak i ai tel kholo dingmi ah Rakhine ramkulh chungin myone 9 bak an i tel i Shan ramkulh chungin myone 6 an i tel ve. Cun, an mahte uk nak a nei cangmi WAH ram zongah i thimnak a um kho lai lo. Cupin ah Myanmar ram chung i buainak Karen,Kachin le Pago ramthen hmun cheukhat ah thimnak a um kho ve lailo.

Tukum Myanmar rampi i thimnak ah thimnak tuah khawh lonak ding hmun cheukhat pawl cu Rakhine ramkulh in Pauktaw ,Ponna Kyun , Rathedaung , Buthidaung Maungdaw ,Kyauktaw , Minbya ,Myebon le Mrauk myone pawl an si i Kyaukphyu ,Ann ,Taungup le Sitwe ahcun khua cheukhat tilo cu i thimnak tuah an i tim. Shan ramkulh in kum dang i thmnak a rak tuah kholo mi WAH ram myone 4 ah thimnak a um lailo i Mong La le Mong Kaing zongah thimnak an tuah kho lailo.

Kachin,Mon ,Pago le Karen ramkulh nih Myone pum i thimnak a tuah kholo ding a um lo nan, khua cheukhat cu thimnak an tuah kho lailo tiah thanh a si. Kachin ramkulh chungin Khuang Lan Phu, Sum Prabhum, Machan Baw, Mansi, Momauk , Shwe Ku, Chipwe ,Sawlaw,Tanai ,Waingmaw le Inyang myone pawl lakin khua cheukhat le veng cheukhat cu vote an thla kho lai lo. Karen ramkulh in Kawkareik, Hpapun, Thandaunggyi, Hpa-an, Myawaddy le Kyainseikgyi myone chungin khua cheukhat le veng cheukhat zong vote an thla kho lailo. Cupin ah Mon ramkulh in Bilin oksuh le Pago ramthen in Kyauk Gyi le Shwe Kyin khua ah thimnak a um kho ve lailo tiah Union Election Commission nih a thanh cang.

Hi kongkau ah mipi ruahning tampi a um i WAH ram bantuk in thimnak tuahkhawh lonak hmun cu cozah kutchung ah a um lailo tinak a si lai i hmailei rampi thimnak caan ahcun Rakhine ramkulh zaten thimnak a um kho lailo i WAH bantuk in an zalen kolai tinak maw a si hnga tiah a ruatmi zong an tam. Cu liao ah cheukhat nih rampi party tlinlo nak ding hmun pawl an telh lo hramhram korua hna a titu zong an umve. Myanmar ram chung myone tamtak ah tukum i thimnak an tuah khawh loding hi a poi ko.

Be First to Comment

Leave a Reply

Your email address will not be published. Required fields are marked *