Press "Enter" to skip to content

Iraq i a Ummi US Ralkap Hmunhmakhuarnak Airbase 2 Cu Missiles Kah an Tong

BAGHDAD, Iraq – American nih Iran’s general an thah ruangah, Iraq i a ummi US ralkap hmunhmakhuarnak Airbase 2 cu Tehran (Iran) nih ballistic missile in a kah, tiah US Department of Defense officials nih an chim.

Missile an kah hi Wednesday chunhnu ah a si i, Revolutionary Guard Gen. Qassem Soleimani an kan thahpiak ruangah teirul kan chammi a si, tiin Iran State TV nih a chim.

Iraq i missile in US nih kahdohnak an tuahmi kongah Iran’s Revolutionary Guard nih US le a ramdanghawi le pawl hi ralrin a pek bal hna. “Terrorist a simi American pawl caah hmunhma a petu a ramdanghawi vialte hna, i ralring u mu, Iran ralchanh in cawlcanghnak an tuahnak hmunhma paoh cu ka kah cang lai” tiah the Guard nih an chim. Cun Israel zong a cemchih colh rih.

Tutan kah kan tonmi a boruak hi thatein kan zoh lai i, lehrulh ning le cang zong kan zohfel lai. Missile hi Iran in a rami an si cu a fiang ko cang i, Al-Assad le Irbil ah a ummi US ralkap le a ramdang hawi pawl kah an duh hna caah a si. Iraq ah a ummi US ralkap a hawikawm pawl kilven le dirkamh awkah a herhning paoh in cawlcanghnak kan tuah colh ko lai, tiah US secretary of defense i a ssistant nih a chim.

Ai rawkmi le hma a pumi kong cu fiangin chim a si rih lo. Hi thawngpang kongah White House zong a lungre a thei ngai, tiah White House Press Secretary Stephanie Grisham nih a chim. President zong nih a theih le cangka a national security team pawl he an i tong colh ve i, thilsining thatein an zoh colh ve.

Hi thilsining hi thatein dothlat a si ko, tiah House Speaker Nancy Pelosi nih a chim. Kan riantuantu hna an himbawmnak hi tuanvo kan lak i, Trump cozah nih a herhlo in mi ramdang ngiartaunak a tuahmi zong hi makter i, Iran lei zong nih a thatlonak hi maktak dingin khua kan khan a hau. America le vawleipi nih hin ral a thawh awk a si lo, tiah Nancy nih a chim.

Ain Al-Asad Airbase hi Iraq ram nitlaklei Anbar pengkulh chungah a ummi a si. Saddam Hussein cozah an kah lio 2003 in khan American le a hawi le nih an i hmanmi a si. Nehhnu ah Iraq le Syria a hmunhma a khuarmi IS pawl dohnak ah an hman than. US ralkap le ramdang a hawi le an ralkap relhchih in minung 1,500 hrawng an umnak hmun a si. 2018 Christmas khawh ah khan President Trump zong a vung tlawng bal.

Kurdish hmunhma ah a ummi Irbil i an base zong kah a si ve, tiah US lei nih an chim. “Martyr Soleimani” timi tlangtar in kahdohnak kan tuahmi a si, tiah Iran missile program a uktu the Guard’s aerospace lei nih State TV ah an chim.

Iran nih missile in an kan kah. Cruise missile asiloah short-range ballistic missiles si dawh an si. A ram pumpi cuul in an kan kah, tiah senior US military source nih Fox News ah a chim. US ralkap an umnak Al-Asad airbase kah an tong. US ralkap nih Iraq an chuahtak a si ah cun, amah Iraq lila hi a tuar te ko lai, tiah Trump nih a chim.

Al-Asad ah a kahmi hi zun 6 hrawng a si i, Taji ah kah an tong, timi belte kha cu biaping a si, tiah US military official nih a chim. An kahmi rockets hi a tlawmbik 30 thawng si dawh a si, biafiang bel a um rih lo. Chelsea Bawi

Be First to Comment

Leave a Reply

Your email address will not be published. Required fields are marked *