Press "Enter" to skip to content

Iran le US Kar Thlihran Ning Cu Hi Ti Hin A Si

Nizan zarhpini, Iraqi khualipi Baghdad hrambunh US Embassy ah rocket bombs an puak. Cu thawngpang President Trump nih a theih le cangka bia a chim colh. A chim mi cu, “Thawng ka theih mi hi zungthu sinah ka chuahpi lai. Teirulcham phun in Iran hi a cawl i ka misa a kutpar in a dongh sual hna a si ahcun ka zohsawh lai lo, ai ruahlopi khin ka lehrulh lai a ti. Iran zong nih lehrulh ding timhlamhnak an ngeih thawng vawleipi a thanh.

Iran ralbawi zik, Qassem Soleimani thihnak kongah vawleipi thidomh in a um hei sikaw, mizei ram pawl nih US an ttanh lai i, Iran hi zei ram pawl nih an tanh ve tiah, ruahnak tete zong a chuak. Iran hi cu Syria, Iraq, Lebanon, Yemen le Gaza trip hna nih an bawmh men lai tihi an zumh cio. Cun US hi Israel nih a rawiphiar siang lai lo an ti. Hi ruang zong ah hin maw a hei si, US nih thahmi Iran ralbawi zik fanu Zainab Soleimani nih “Ka pa thih ruangah US le Israel caah muihnak chunmui a tlung lio. Ka pa thih hi hnathiang phun in ruat lai u ci” a ti. Cubantuk thiamthiam in Iranian President Hassan Rouhani nih a chim ve, “Kan ralbawi thihnak ah ai hnamnawih mi cungah lehrulhnak fak kan tuah lai. Kan ralbawi thihnak nih ralchiat le nunnem in a tuah hna lai ti phun in maw kan ruat lai u ci, kan luhlul le thatlonak zualtertu lehlam a si lai” a ti. Culawng hlah, President Trump luman ah $115 million an thapchih. Microsoft News nih a langhterning bang ah cun, Iran ram ah hin milu 80 million an um i kan milu tuak in $ 80 million (AUD 115 m) Trump luman ah an chiah hi a si a ti.”

Cun an hmurka hrocernak lawng hmanh si loin tuahsernak zong in lehrulh kan in timh, na rampi hmun 35 kah ding timhlamh a si. Kan miakpi tawka hmeh lawng a taang tiah tluang an khawnhnawh. President Trump nih cucu a ngai sawhsawh kho lo, kannih nih cun hmun 52 bak hmuahchih in kah kan i tim. Cuhmanh ah na nunphung hrihhram le nehnang (cultural sites) tiang ka hrawhchih lai a hun ti. Trump nih hi tlerhnak a thanh bak in International Law he kalh in cawlcangh nai tim tiah an soi. Aruang cu International law ahhin Cultural sites phun a si ve hrawhpiak hi onh a si lo. 1954 The Hague Convention hnatlaknak ah anmah US hrimhrim nih miphun pakhat an nunphung humhimnak hrawhpiak cu sual lian (crime) tluk ah chiah siseh tihi minsenthutnak an rak tuah mi a si. Cucaah tangka tampi dih in ISIS le Taliban ralhrang doh an sinak hi miphun pakhat Cultural Sites hrawh hmuitinh an si nak ruangah zong ai tel tihi a hngalh awk a si tiah an ti. Carson Twintwin

Kan Peh te lai

Be First to Comment

Leave a Reply

Your email address will not be published. Required fields are marked *