Press "Enter" to skip to content

China Khrihfa Mi Hna Nih Baibal Cacang Jeremia 29:11nak Cherhchan In Khrihfa Vialte Sin Ah

Kan rak langhter hmasa bangin China a cozah zah t’ih ruangah a ram mi pi Khrihfa tampi hna cu Tupi le ramtang ah Pathian thangt’hat in a dup mi hna nih lung rual tein Wuhan khuapi Coronavirus hrit a tam nak bik hmun ah Pathian bia an au pi.kan nih cu Sertu Pathian a bia mi kan si caah thih kan t’ih lo,ka thih zongah kan nun zongah Pathian ta kan si cang tiah hmaikhuh”Mask”cu an ngeih chun phaisa hmangin an cawk i,khualak ah mipi an sam pah hna hna in “Jesuh nih an dawt tuk”tiah an chimh pah hna.

Cu hnu ah Wuhan khuapi chung Pastor pakhat nih cun China ram in a min theih bal lo mi Coronavirus zawt nak a chuah nak a sullam hi zeidang ruang si lo in Sertu Pathian dantatnak a si.Cucaah China ram nih Pathian lei ah an sual nak kha an mer tak hlan chung paoh cu hi Pathian dantatnak hi a dih lai lo.hi hnu zongah mipi an thi cuahmah rih ko lai.kan nih Khrihfa mi hna zong nih China ram le mipi caah biatak tein khutbill bu he thla kan cam cuahmah.Cucaah nan sual nak khan Jesuh lei ah i mer cang uh tiah a chim t’han rih.

Cun,China ram chungah Khrihfa mi cu tlawmte kan si i,a tam deuh hna cu Sertu Pathian thei lo in an mah duh paoh in khuasa mi le Khrihfa mi hna cungah ningcang lo in,Pathian duh lo ning in a cawlcang mi hna kha an si.an sual nak in an i mer i Pathian kha an fuh hlan paoh cu hi zawt nak hrit hi a dai ding a si lo.zeicatiah Pathian nih China ram cu kan sual tuk cang caah nun chimh nak ah Coronavirus hrit hi a hman mi a si.Mipi nih an lung an lung an t’humh i Pathian kha an fuh khawh nak ding caah thla kan cam cuahmah ko tiah a chim.

Wuhan khuapi khirhfa mi hna nih cun vawlei cung Khrihfa vialte hna sin ah chuan Jeremia 29:11nak i cherhchan in thlacam an cah. Jeremia 29:11nak ah cun“Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai”ti a si.Cucaah hi Babal cang hi China ram mipi nih kan philh awk a si lo tiah an chim.hi Coronavirus zawt nak ruangah hin China ram cu a chia lai lo i,Pathian nih sersiam a duh deuh caah a si tiah a chim chap. worldnewsforchin

Be First to Comment

Leave a Reply

Your email address will not be published. Required fields are marked *