Press "Enter" to skip to content

A Nupi Nau A Pawi Ning Cu An Pa Caah Lunghrinh Awk A Tam Ngaingai

Nau a pawi ti theih tung lo in nau a nei timi thawngpang theih ding ho an tam ngai tawn. September 14 nazi 00:30 (12) ah Thailand, Samut Prakan Province i a um mi nu pakhat nih ruah lo tuk in fa a neih caah a pasal zong khuaruah har nak in a khat.

Nau a pawi ti an rak thei kho bak loh i chungkhar i nubik (kum 25) cu a taksa a thau mi ah an rak ruah. An fa 3-nak ding a si i fanu te an nei, nau a pawi ti an theih lo ruang ah sizung zong ah awikhat hmanh an rak kalpi bal loh ti a si.

An ngandam nak a that tuk ruang ah zawtfah nak zong a ngei bal lo i, nichiar te rian a tuan zungzal tawn. September 13 zinglei ah khan a pawfah deuh caah a riantuan cu ai din.

A pasal O’ff lawng riantuan nak hmun ah cun a va kal. zanlei ah a rak tlung i zanriah an ei hnu ah, a nupi cu a pawfak than. Cuticun ruahlo piin nau a van neih cu an nupa in an khuaruah a har tuk.

The Rescue Team pawl an kawh hna i, a laihri an tan ter.Naute le a nu cu dam ten an um i an thangcho thluahmah.A nu cu bomh le cawithlil zong hau lo tein a mah tein a cawlcang kho colh. a umpi tu pawl nih cun an nufa in Bang Phli Hospital ah an phurh hna i thil herh mi pawl cu an tuahpiak hna.

Chnugkhar pacem cu bia an hal i fanu te an neih caah ai lawmh nak bia zong tampi a chimh hna. An nupa in nau an pawi mi an theih lo nak kong zong a chimh hna i a mak an ti tuk ve. O’ff nih an fa 2-nak an neih lio zong ah, nau an pawi an theih lo i ruahlo piin kan hring than timi zong a chim chih.(TR)

Credit : Meifar

Be First to Comment

Leave a Reply

Your email address will not be published. Required fields are marked *