Press "Enter" to skip to content

A nungak nu cu a zumhlo tuk ruang ah voi 26 bak Nam in a Sawh

Ruahnak tha lo nih thil tha a chuah pi bal lo i, lung rethei nak, buainak, fahnak le thihnak tiang a phanh ter tu a si. Zei thil paoh cawn khawh a si bantuk in Ruahnak tha kan ngeih khawh nak hnga mah hrimhrim nih cawn a herh tak tak.

Mi zumh duh lo le thik a ngei mi cu, ruahnak thalo nih a chuahpi mi thil a si. Thailand pa zong a dl thing nih tlangval a ngeih caah namte in voi26 bak a sawh ko. A poi kho taktak.

July 31, 2020 zanah Thailand tlangval Mr Sai Nyar Na (kum42) nih a dl thing (37)cu namte in voi 26- a sawh ti theih a si. Hi hna pahnih hi ai duh mi an rak si tawn ko nain, lung i hmuh lo ruangah ai then mi an si. An i then hnuah a dl nu nih tlangval dang a ngeih tikah a dl thing Mr. Sai Nyar Na cu lungleng ngai in a um i, a dl thing cu biaruah ding in a va len. Asinain a dl thing nih cun tha tthi in a komh huam lo caah bia el hram an thok. Fak taktak in bia an i el i, Mr. Sai Nyar Na nih coka namte a lak i, a dl thing cu voi 26 a sawh hnuah a thi ko lai tiah akal tak.

Cuti i, a dl thing a tuahto lio cu CCTV ah a langh dih caah minih an rak hmuh i, an rak chuah hnawh. Vanthat ah a dl thing cu a rak thi lo. Sizung ah an kal pi i, Dr nih tha ten a thop tikah a thangcho ngai i ICU room in room dangah chiah a si cang.

Mr Sai Nyar Na cu palik nih an kawl i, August zan ah an tleih. Sai Nyar Na nih ka dl thing hi fahnak pek kai tim lo. Thate in bia ruah ka timh i, ruah ning in thil a si khawh lo caah thinhun lung in a chungah mah bantuk thil ka tuahnak a si tiah a chim.

Be First to Comment

Leave a Reply

Your email address will not be published. Required fields are marked *