A nupi nih a pasal cungah a phoh pian i Police nih an kawl mi cu pa pakhat nih teng bak in a rak thuat i, cucu Vocal in biaruahnak Interview an tuah lio hi ngeih khawh cio rak i zuam hna usih. Zeitindah thil sining hi a si zeitindah ai awt ning ti mi zong fiangfai deuh tein ngeih khawh cio rak i zuam hna usih.
A tanglei ah a Video kan van thil chih ngeih cio khawh rak i zuam hna usih.
thawngpang dang relchap : Mandalay Ramṭhen, Mogok Nitlaklei Kahdohnak Ah SAc Ralkap Ralbawi Telh in Minung 7 An Thi
Mandalay ramṭhen, Mogok peng nitlak lei, Gwaypin(ဂွေးပင်) le Laungsin(လောင်းစင်) khua kar kahdohnak ah SAC ralkap ralbawi pakhat(bo thum) telh in minung 7 an thi, tiah Red Wolves Of Mogok nih cathanh an chuah.
SAC ralkap lei a thimi 7 chung ah ralbawi 2 cu mei khangh in an ruak an vui hna hnu i, a tangmi ruak 5 cu vawlei ah phum hna, tiah ṭuanvo ngeitu pakhat nih a chim. Mogok siizung ah SAC ralkap 14 kalpi an si i, meng 7 hmun siizung zong ah mizaw phortu motor 6 nih voi 3 tiang a kalpi hna, tiah Red Wolves Of Mogok nih an cathanh ah cun an langhter.
August 29, zinglei suimilam 8:00 hrawng ah Mogok hrambunh battalion 1221, 1222, 1223 le tualchung hriamtlai phu PRA Hna cu Mogok nitlak lei hmunkip ah an i kap, tiah theih a si.
Kahdohnak ah tualchung hriamtlai phufonh lei hliamhma tuar umlo in hnu an tolh. SAC ralkap lei nih zaanlei suimilam 6:00 tiang hmunkip ah hriamngan an thlah, tiah Red Wolves Of Mogok nih cun an thanh.
Monywa Myawaddy Bank Hmai Ah Gate Hngaktu SAC Ralkap Cu PDF Nih An Kah Hna I, 3 An Thi: Monywa Myawaddy Bank hmai i gate a hngak mi SAC ralkap pawl cu nihin August 30 chun ah Monywa PDF nih an kah hna, tiah theih a si. Cu kahdohnak ah cun SAC ralkap 3 an thi i, mipi aa chawkvakmi an tamtuk caah an meithal zong la loin hnu kan tolh ṭhan, tiah Monywa PDF nih cathanh an chuah.
Cu kahdohnak cu Monywa people defense force (MPDF), Monywa pengkomh battalion 1, Monywa pah lah phah phu, Monywa Hero Group(MHG), Monywa satan phu hna i fonh in an tuah, tiah theih a si. Credit : The Chin Post
Leave a Reply