Mah video hi Online an van chiah nak hi nikhat chung te lawng a kal rih ko nain Minung ting 2 nih an zoh manh mi video a si. Mizoram chungah mifel le miding tampi an um lio ah mifel lo le mi ding lo tampi an rak um ve, caah mah hihi bia tak tein Mizo nih bia tak tein an i ven i an i ralrin nak pakhat a si ve.
Cu caah Online a hodah a si ti zong an i theih thlu ve hna lo caah vai chimh cawn piak kha a ngah ve lo caah mah Bantuk thil Online in zoh dawh lo in thil tuah a hmang mi hi Online lila in i cawnpiak nak tete hman a si.
A zei si khom ah bia cun a tlin thlu taktak lo caah a Video in zoh cio khawh van i zuam hna usih.
thawngpang dang relchap : !Trump Inn Chekhlatnak Nawl Cu Keimah nih Ka Pek Hna – Attorney General Merrick Garland!
US President hlun Donald Trump, (Florida) a inn cu FBI nih August 8 ah an rak luhhnawh. Cu lio i nawl(ordee) a rak petu cu keimah ka si, tiah Attorney General Merrick Garland nih a chim. President hlun Trump inn chekhlat ding hi fawi tein bia khiahnak kan tuahmi a si lo. A fekfuanmi tet-te kan ngeih caah atu bantuk in Justice Department’s nih kan tuahmi a si, tiah TV i biachimnak ah a chim chap.
Republican Party nih Trump inn luhhnawh a si nak kong ah an lungtlin lonak le fianternak tuah ding in an chim hnu ah atu bantuk in Attorney General Merrick Garland nih cun a chimfianhnak tuah. Trump inn chekhlatnak ah hin White House he aa pehtlaimi hmanthlak cheukhat le document tam lak FBI nih an lak, tiah theih a si. FBI nih Trump inn an luhhnawh lio ah hin Trump cu NewYork ah a um lio a si.
Japan PM Nih Cabinet Minister 7 An Rian in a Phuah Hna!: Japan Prime Minister Kishida Fumio nih, August 10 ah Cabinet Minister 7 cu an rian in a dinhter hna, tiah theih a si. Cozah ah a bia ngaimi ramleng minister le Finance minister tu cu an rian dinhter lo in anmah sining teah a chiah hna nain Unification Church he pehtlaihnak a ngei mi Cabinet minister 7 cu an rian in a chuah hna. Prime Minister hlun Shinzo Abe thihnak kong ah Unification Church cu pehtlaihnak an ngei tiah lunghrinh an si.
Japan phunghram zong nih biaknak cu a upat awk a si, cu bantuk in biaknak lei phu hna zong nih upadi cu an upat awk a si, tiah Prime Minister Kishida Fumio nih thawngfiannak ah a chim. Unification Church cu 1950 ah S. Korea ram ah rak thawkmi a si i, nu le va voikhat ṭhit-um ah a thongthong in an rak ṭhit-umter hna i, Phaisa a dik lo ning tawlrelnak kong ah mizapi nih rak ceih ngaimi Church an si.A REL TU NAN CUNG AH KAN I LAWM .
RELCHAP : July Thla Chung Kahdohnak Ah KNLA/KNDO Nih SAC Ralhrang 380 Leng An Thah Hna!
================================
Kayin miphun dohthlennak tuahtu a si mi KNU/KNLA/KNDO le SAC ralhrang le BFG hna kar ah July thla chungah kahdohnak voi 259 a chuak i, SAC ralhrang le BGF lei in minung 386 an thi i minung 280 nih hliam an tuar tiah theih a si. KNU i Dutha pengkomh, Tatmaha 1 humnram ah kahdohnak voi 25 a chuak i SAC ralhrang le BGF lei in minung 24 an thi i, minung 45 nih hliam an tuar pinah ralhrang motor pa 8 cu KNLA le KNDO nih an hrawh piak chap hna tiah kan theih.
Taungngu pengkomh tatmaha 2 hmunhma ah kahdohnak voi 33 a chuak i SAC ralhrang leiin minung 87 an thih i, minung 15 nih hliam an tuar pinah ralhrang motor pa 2 hrawh piak chap an si. Ngiang Lay Pyin pengkomh tatmaha 3 hmunhma ah kahdohnak voi 42 a chuak i, SAC ralhrang leiin minung 74 an thi i, minung 50 nih hliam an tuar pinah motor pa 6 an hrawh piak chap hna.
Beit/Dawei pengkomh, tatmaha 4 hmunhma ah kahdohnak voi 14 a chuak i, SAc ralhrang minung 32 an thih pinah minung 40 nih hliam an tuar. Muttyaw pengkomh tatmaha 5 hmunhma ah kahdohnak voi 110 a chuak i SAC ralhrang leiin minung 95 an thi i, minung 55 nih hliam an tuar pinah motor pa khat an hrawh piak chap hna.
Dupala pengkomh, tatmaha 6 hmunhma ah kahdohnak voi 35 a chuak i, SAC ralhrang leiin minung 75 an thin pinah minung 71 nih hliam an tuar. Cu kahdohnak chungah KNU/KNLA/KNDO lei in minung 12 nih ram le miphun caah an nunnak an peek pinah minung 26 nih hliam an tuar. Cu pinah mipi mimnung 19 an nunnak a liam ve i minung 26 nih hliam an tuar tiah kan theih.
Adang si than : Sagaing Peng Ah Chungkhar Pakhat I Innchungkhar Minung 3 Cu Misual Phu Nih An Thah Hna
Sagaing ramṭhen, Sagaing peng Chaikyi (ချိုင်ကြီး) khua ah nizaan August 10, zinglei suimilam 4:00 hrawng ahkhan chungkhar pakhat ah innchungkhar minung 3 cu misual phu nih an thah hna leng ah, an innchung thilri zong an firpiak hna, tiah bawmchantu phu chungtel nih an chim.
“Chaikyi(ချိုင်ကြီး) khua chungkhar pakhat ah minung 3 cu an i hngilh lio ah an thah hna. Sui, phaisa le phone an lakpiak hna. Thah a tongmi hna cu U Tan Aye, a fapa nupi Daw Khin San San Htay le a fanu Ma Wat Hmune Phoe(kum 15) hna an si,” tiah bawmchantu phu chungtel pakhat nih a chim.
Cu thil a cannak inn pawng ah ummi hna nih cun, “Zinglei suimilam 4:00 hlan deuh ah an umnak innchung in meithal thawng kan theih caah innleng ah chuak in kan bih hna, cu lio ah cun U Tan Aye te inn cu a kang cang. Aho si theih lo mi minung 10 cu, cuka inn cun an chuah kan hmuh, zinglei ah cun U Tan Aye te chungkhar 3 cu an thi cang,” tiah an chim.
August 10, zinglei suimilam 2:00 hrawng ah khan Sagaing ramṭhen, Yee U pengkomh Yee U peng Htantaw(ထန်းတော) khua ah ummi U Phoe Htay, kum 65 le a fapa Ko Zaw Naing zong misual phu nih an rak thah hna.credit the chin post
Leave a Reply