Tih Nung Bak : Mah Nungak Pakhat A Thil Ton Hi Khuaruahhar A Si Ko Mu

Mah thil a cang mi hi thil khuaruahhar taktak a simi pakhat a si. Help Mizo Official Youtube Channel ah an van thlah mi a si i, mah Channel an van thlah hi Nizaan 12/8/22 ah khan a si i, a tu tiang nikhat chungah a zoh tu hi, 93,724 nih an zoh manh cang.

Mah nu thil ton mi hi thil mak taktak pakhat cu a si, Mizo holh a hmang mi a si ti cun chim a si sihmanhsehlaw Mizo maw a si miphun dang dah a si ti belte cu fiangin theih a si loh. a thil ton le thil cang cu mah channel ah fiang tein an van phuan ko caaah a tanglei Video link kan van chiah mi ah hin zoh khawh cio rak i zuam hna usih.

thawngpang dang relchap : Sagaing Ramṭhen, Taze Peng Nihnih Chung Kahdohnak Ah SAC Ralkap 10 Leng An Thi

Sagaing Ramṭhen, Taze peng nihnih chung kahdohnak ah SAC ralkap 10 hrawng an thi, tiah nihin August ni 13 ah Myanmar Defense Force (MDF) nih cathanh an chuah. August ni 8 thawk in SAC ralkap nih Helicopter 3 in ralkap 100 hrawng cu Zuange(ရွာငယ်) khua ah an rak chiah hna hnu in Tawcin (တောဂျင်) khua le Zuamonetaung (ရွာမုံတောင်) khua ah rallam an rak sial, tiah theih a si. Zuamonetaung khua ah inn 8 an khangh i, khua an rak chuah lio ah Taze battalion 6 nih an kahdoh hna caah SAC ralkap tamlakte an thi, tiah an langhter.

Cu bantuk ṭhiam in August ni 10 zinglei Wine (ဝိုင်း) khua in rallam a rak sialtu SAC ralkap pawl cu MDF battalion 26 le Taze battalion 6 i bawm in an kah hna, tiah theih a si. Cu kahdohnak cu minutes 40 tluk hrawng a rau i, SAC ralkap 10 leng an thi, hliamtuar zong an tam, tiah Myanmar Defense Force nih cathanh an chuah. Nihnih chung kahdohnak ah MDF le Taze PDF lei hliamtuar um loin hnu an tolh, tiah theih a si.

Hproso Peng Kahdohnak Ah SAC Ralkap 2 An Thi, PDF 1 A Nunnak A Liam ve: Karenni ramkulh, Hproso peng Sularku khua ah SAC ralkap 200 hrawng cu rallam hmun thum ah an sial i, PDF, KA, KNDF Central Special Operations, Battalion 1101, Demoso PDF, Battalion 1107, Mobye PDF, KRU le KGZ ṭangṭi phu hna he August 9 in 12 tiang kahdohnak a chuak, tiah Loikaw PDF nih cathanh an chuah.

Nili chung kahdohnak ah SAC ralkap 2 an thi i, Loikaw PDF in kum 19 ralkap pa pakhat a nunnak a liam ve. Central Special Operations sniper phu nih Sularku kahdohnak ah SAC ralkap 11 an rak thah hna, tiah theih a si.

Cu kahdohnak ah cun PDF ralkap 2 hliamhma an pu i, a dang a thimi le aa hliammi an um le um lo kan fehter kho rih lo, tiah an langhter. Credit : The Chin Post

relchap rih : SAC Le AA KAdohnak Ah SAC Ralkap 4 An Thi I, Khuami 2 An Nunnak A Liam!

Rakhine ramkulh, Yathetaung (ရသေ့တောင်) peng, Chingkhali le Donepaih(ချိန်ခါလီနှင့် ဒုံးပိတ်) khua karah nihin August 13 zing sml 8:00 hrawng ah SAC ralkap le Arakan Army(AA) kahdohnak a chuak. Cu kahdohnak ah cun AA nih SAC ralkap 4 nak tlawm lo an thah hna i, hriamnam tam ngai an chuh hna, tiah theih a si.

“Kahdohnak cu sml 2 chung hrawng a rau. SAC ralkap cu 30 leng an si lai. Cu chung ah SAC ralkap 4 an thi i, hliamhma pumi an tam. An hriamnam tam ngai kan chuh hna,” tiah AA nih an langhter. Cu kahdohnak ah cun tualchung mi, caw cawngtu pa pahnih cu hliam an pu i, an nunnak a liam, tiah Aung Saih khuami nu pakhat nih a chim. “Caw cawngtu pa pahnih cu SAC ralkap nih an kah thah hna. Cun, Kahdohnak a chuahnak hmun lei ah vanlawng pakhat a zuang,” tiah a chim chap.

Rakhine ram ah nifatin ti awk in SAC ralkap le AA karah kahdohnak a chuak, tiah August 11 i thawng fianternak tuah lio ah AA chimphuannak nawlngeitu Khine Tuh Kha nih a chim. A luancia July 19 ahkhan Maungtaw peng kahdohnak ah SAC ralkap 16 an rak thi i, ramri hngak palik 14 tlaih an rak tong.

Be the first to comment

Leave a Reply

Your email address will not be published.


*