Mi phundang Nupi Pasal I Vat Hi Kan I Soisel Tuk Awk A Si Maw! Kan Unau Mizo Pawl Zong An Buaituk Cang
Mizo kan unau hi miphun dang he a ummi an tam ngai ve. Mah Tuesday nightmare YouTube neitu Mapuii zonghi Nigeria pa, Bawlungchuih thiam he an i um ve. Mah cu Mizo pawl nih hehtiah Atu tiang an soisel. An soisel ning zong a fak bak i a soiseltu zong an tam. An pa mui le sam hi lak awk cu a um ve bak lo, a dawh lo taktak khi a si ko. Nan a vatnak aruang cu a tampi ve Ko lai mapuiii zong miza le muidawh a si ve tik ah.
Mizo nu dang zong miphun dang pa a vami an tampi ve ko nan soisel an tong lo ti khawh a si. Asinan Nepal mirum pa a vami Mizoram miss nu belte cu tlawmpal an soisel ve. Mirang le Korea le Europe le a dang pa a vami cu an soisel lem hna lo. Kala a vami zong fak ngai cun an soisel ve hna nan a dongtthan ko. Atu interview an tuahmi Mapuii hi atutiang in soisel a tong. Asinan amah hi a lar ngaimi a si ve. Mah zawn ahhin ruah ding a ummi cu Minung hi nekkhun mi Kan nei deuh ttheu. Khrihfa lungput he cun a ralkah ngai.
A tanglei ah a Video tawi kan van thil chih.
thawngpang dang relchap : Kalaymyo, Pyidawtha Khuami Hauh Khan Pau Cu Hriamtlai Phu Pakhat Nih SAC Ralkap Sin Ah An Kalpi
Sagaing ramṭhen Kalaymyo Pyidawtha khua nih khuanu khuapa can ah an hmanmi U Hauh Khan Pau(kum 45) cu aho si theih lo mi hriamtlai phu pakhat nih nizaan September 9 chunhnu suimilam 2:00 hrawng ah an tlaih i SAC ralkap sin ah an kalpi tiah tualchung mi nih an chim. Cun SAC ralkap lei ah ṭang in thawngthanhnak a tuah tawntu telegram nih PDF chungtel Hauh Khan Pau cu pistol pakhat le kuan he kan tlaih tiah an langhter.
September 9 chunhnu suimilam 2:00 hrawng ah U Hauh Khan Laung cu khuachung ah aa chawh lio ah private motor pakhat in minung 5 hrawng nih biahalnak zong tuah hmasa loin an tukvelh hnu ah an kalpi. A tlaitu hna zong aho an si theih a si lo. U Pau cu khuachung ah i bochan mi upa pakhat a si leng ah ZYA-Zomi mi bawmchantu phu i hruaitu pakhat zong a si.
A mah cu midai te a si zei bantuk hriamtlai phu he hmanh pehtlaihnak a ngeimi a si lo. Atu bantuk a ruang um loin tukvelh le tlaihkhih a tonmi kong ah a chungkhar zong nih an cohlan khawh ding a si lo leng ah khuachung mipi kan ngaihchia tuk tiah U Pau tlaih a ton lio ah a hmutu tualchung mi pakhat nih a chim.
RELCHAP: Magway Ramṭhen, Yaw Hmunram PDF Sakhan Pakhat Cu SAC Ralkap Nih An Khangh!
Hriamnam thazaang aa thlau tuk caah kan sakhan pakhat cu SAC ralkap pawl nih an kan hrawhpiak tiah Magway ramṭhen Yaw hrambunh The Youth Force (Saw&Kyaukhtu) nih nihin September 11 ah cathanh an chuah.
Nizaan September 10 ah ṭat-mah 77 in minung thazaang 90 he rallam sialtu SAC ralkap hna cu TYF hmunram chung ah an lut i Kyaukhtu hrambunh in hriamngan an thlah hmaitonh i kahdoh ding ah kan thazaang aa thlau tuk caah kan sakhan cu kan chuahtak tiah TYF in ṭuanvo ngeitu nih a chim.
TYF phu hna cu an him dih nain, an kaltakmi sakhan le thlam hna cu SAC ralkap nih an khangh dih. Cun cu sakhan pawng ah a ummi tualchung mi hna thlaam le leeng zong an khangh dih hna tiah TYF nih an langhter.crd the chin post
Leave a Reply