Press "Enter" to skip to content

Mah Ngakchia Te Nih Benjamin Min Ti Bak In A Min A Van Char Ko, Duh Nung Kho Tuk E (+Video)

Tukum Myanmar Idol Season 4 cu chinmi kan caah a hlunghlai ngaingai ko. A tu sining te rih ahcun Chinmi pathum nih Top 6 tiang an kan phak pi i an cungah kan i lawm tuk hringhran. Tutan Myanmar Idol ruangah hin nang Falam, Nang Hakha tibantuk in biachim le lungput ngeih ding a si loh. Mi cheukhat cattial le Comments pawl zoh tik ah kan thinlung put a chiat tthat nak a lang ngaingai.

Falam zong nih Esther Dawt Chin Sung palhnak le chiatnak soisel in ttan lak ding a si loh. Hlakha zong nih Benjamin Sum soisel le palhnak kawlding a si loh. Bejamin Sum nih Winner a co zongah chinmi nih Winner kan co a si ko i, Ilawmh ding si ko cun Esther le Yaw Kee hna zong nih Winner an co zong si le Chinmi nih kan lawmh pi i Winner kan co tiah kan ti ding khi a si ko, A ho an co poh ah Chinmi huap an si ko i, kan i lawmhpipi ve ding a si ko hna.

Benjamin Sum a sining le a konglam cu tampi chim hau lo in thieh tawk cu theih cio a si cang. Benjamin Sum aw hi mino pawl uar ci a si an ti nain ngakchia zeithei rih lo zong nih an rak uar taktak ve ti hi hmuh khawh a si. Ngakchia thinlung tiang a lak cangmi cu a uar a rak um bak ko tinak khi a si. Laar timi cu mah hi a si ko.

Video a tanglei ah zoh dingin kan van chiah.

Thawngpang dang kan van thil chih, relchap khawh si ….

Russia Pilot Cu Vanlawng A Mawngh Lio Ah Ruah Lopi In A Nunnak A Liam

Kan hnu lei zarh ah khan Russia ram chung vanlawng service First officer (Pilot) cu, Heart Attack in anunnak a liam tiah theih a si.vanlawng hi emergency in tumter as i. kum 49 upa a si cang mi, Aeroflot flight Captain nih hin ,SU 1546 Flight cu Moscow in Anapa lei kal ding in, a mawngh i, hi bantuk in Attack a ngeih hnu hin, hi Airb 320 hi Platov international Airport ah Emergency in ttumter a si tiah an chim.

Passenger pakhat,Yelena nih cun, ‘Flight Attendant pakhat cu, Crew hna lakin harnak a tawng mi an um i, Passenger hna sin in,Medical ( Sibawi ) lei a thiam mi kan um le um lo arak kan hal tiin a chim. Hau hmanh Medical lei a thiam mi kan um lo caah vanlawng cu, Emergency in ttumter a silio ah Pilot hi Cockpit cungah a thi tiin an chim.

Aeroflot lei nih cun, Pilot hi vanlawng a mawngh hlan zongah a ngandamnak lei cu, phung ning tein zoh dih ( Routine Medical Check-up) a si i, a zeipoh a ttha dih ko tiin a chim. Pilot nih hin, a thih hlan deuh ah hin ka ttang hrawng hi a fak pah ko ti cu a chim ko tiin an chim mi cu a si.

Pilot hna hi ,vanlawng an mawngh tikah ,ani thawh hlan ah hin,doctor hna nih hin, ttha tein an zoh hmasa lengmang ko hna . mah belte cu, daithlan cu a um ve ko. A tuban tukin vanllawng mawng lio i a thi mi hna hi cu theih ding an um bal lo i, amah vanchiatnak hrimhrim a si ko tiin Russia media hna nih cun an lanhter ve .

Be First to Comment

Leave a Reply

Your email address will not be published. Required fields are marked *