Tuchan cu Social mwedia chan a si cang bantuk in zeibantuk konglam poah hi social media chung lawngte ah hinhmuhkhawh lle relcio a si tik ah ,tutan i kan rak langhtermi zong hi hibantuk men hna tial le thlah cu tiah a theihthiam lomi zong nan um kho men. Asinain kan mizo hna caah thathnemnak zeimaw a chuahpi khawh ve timi lungput in kan rak langhtermi a si caah nan rak kan theihthiam nak lai kan in sawm ta hmasa dyuh hna.
Hi video kan chiahmi te hi rak zoh law Laimi hi zeitluk in dah kan thancho ve cang timi cu na fiang ve ko lai tiah zumhnak ka ngei. Zeica tiah Laimi cu ralkap uknak tang i a tthanglianmi kan si tikah kan thinlung ah ralchiatnak tete hi a um i citucun ai thanpimi kan si. Kum 40 cunglei poah hi cu ralchiatnak nih a uk cang hna tiah kan pale nih an chim theu tawn. zeica tiah ralkap sual uknak tang i a rak thanglianmi an si hna caah a si.
Asinain atu thangthar kan chantu ah cun Laimi mino tampi cu kan thinlung ah tihnak le ngamhlonak timi hi a um tuk lem ve tilo i mah le mah i zumhnak (self comfidence) kan ngei kho cio cang. A hlei in ramdang ummi lai mino tampi cu rakchiat le tih timi le ngamhlo an ngei tilo i mirang bantuk in thinlung an pu ve cang.
Kan mah ramchung zongah a tu video kan rak chiah mi bantuk hin ningzah le ralchiat hi a tlau ziahmah ve cang i lomh a um ngai ngai. Tutan video hi rak zoh law na darling hodah a si ? zeiruang ah dah naduh tbk a hal hna i an pathum te i ningzak lo tein an chim ngam dih. Hinih a langhtermi cu mah le mah i zumhnak le ralthatnak hi kan laimi mino thinlung ah hin a keu ve cang timi hmuh khawh a si. Hlan chan ah cun sisehlaw ka ningzak ka ngamh lo ti lawngte kan hmang.
Mi hlawhtling pakhat a simi interview an tuahnak i a chimmi bia roling pakhat cu , zeidah nai chir bik tiah an hal i a lehmi hna cu” ka ti khawh komi ka ralchiat ruangah ka rak ngamh lomi le ka thiam lo ka ti ngam lo tiah ka rak kaltak mi pawl kha kai chir bik” tiah a chim. Langhter ka duhmi cu laimi mino tampi zong thiamnak lei ah kan thangcho chin lengmang veko nain , ka ngamhlo , ka thiamlo , ka ningzak timi lungput nih thanchonak lei siloin tanglei tu ah a kan tumchuk ter tawn.
Cucaah hi video tawite nih hin fimnak kan pe sehlaw , mah le mah i zumhnak le ralthatnak lei ah tu ah kan hruai cio ko seh. Teinak timi le hlawh tlinnak timi cu mah le mah izumhnak le ralthatnak lawng nih a tak in tlam a tlin ter khawh ti asi bantuk in Lai mino tamp kan thinlung ah tihnak le ningzahnak ralchiatnnak umlo in mah le mah i zumhnak tu in thang hna usih tiah sawm bu in
Leave a Reply