Press "Enter" to skip to content

India ram ah Putar pakhat nih A Tupa le Hngakchia Nute Thil A Chimh mi hna Cu Mipi nih An Soisel Taktak (+ VIDEO)

Hngakchia pawl cu catlap cung ah zeihmanh tial rih lomi bantuk an si i , cu catlap chung i na tialmi pawl cu an nunlam tluan ah an zulh thai ding a si fawn .Hngakchia cachimh ah cun “A for Apple , B for Ball ” tiah cawnpiak a si theu nain ,India ram UP district i a um mi putar pakhat nih cun a tule pahnih Alphabets thar achimh ve hna i ” A for Alcohol , B for Beedi (Kuak) tiah a nule pahnih cu a chimh hna.

Bahadurpur khuami putar pakhat cu a tule he park ah an thu ti hna i zu din ning le kuak zuk ning cu a tule pahnih cu a chimh hna .Khuat pakhat chung ah zu le ti cu a cawh i a tule pahnih cu adinter veve hna hnu ah kuak a zuk ter hna .Kuak nan zuk tik ah a khu kha na hip lai i nan hngarkua chungin nan chuahter lai tiah a ti hna.

Culio ah mi pakhat an sin ah cun a rak ra i Beer a rak pek hna , an pu nih cun Juice (thei hang) a si kha ding u a ti hna i Beer cu a dinter rih hna.Hi bantuk minung pawl hi vawleicung ah misual a chuahter tu pakhat cu an si.Hngakchia sualnak a tuahtu na hmuh a si cun va si hlah a mah cawnpiaktu minung kha va si deuh tiah mifim bia ah a um tawn.

An video cu online ah a tar piak hna i a rauh hlan te ah palok nih an va tlaih hna . Cun video latu pa zong an kawl cuahmah lio a si i putar pa cu palik nih ralrin nak fakngai an pek. A tang ah video a um lai.

Be First to Comment

Leave a Reply

Your email address will not be published. Required fields are marked *