Press "Enter" to skip to content

Hlasak Thiam Nilen Par Mawi Nih Muicawl A Tuannak Zing Zing Nih Sakmi Thiam Kho Tuk (+Video)

Laihla sakthiam Nilen Par Mawi nih Muicawl a ttuan nak hla hi van bih ta hna usih. Mah hla hi cu a sau ngai cang ko nain, mipi nih kan hmu tuk lo mi le kan theih tuk lo mi asi. A satu hi Tial Hlei Zing a si, i a aw ttha kho tuk, zukcawl a ttuan mi le hlasa tu a aw hi ai rem kho taktak an thiam kho tuk.

Mah hla a phuahtu zong hi Laihla phuah minthang Herh Lian a si, a hla bia zong a ttha, a satu zong a thiam pin ah a muicawl a simi zong an thiam, an i rem kho taktak hna uar an um kho taktak.

A tangah a hla kan van chiah.

Nihin Chun Ah Yangon Khuapi Chung Ah A Cang Mi Thahnawn Nak Tihnung

Yangon khuapi chung I Zamvu Naan (ဇဗၺဴနန္း) ah a um mi suidawr a ngeitu pa pakhat cu a thi cia in a room chung ah a ruak in an hmuh hi a si I a ruak zong cu a rak thu pah cang tiah a thi mi pa chungkhar nih an chim.

Zamvu Naan (ဇဗၺဴနန္း) sui dawr a ngeitu pa ruak hi tuchun 2019, October 10, chunhnu ah khan a room chung ah a ruak in an char hi a si I a pum cung ah zeibantuk hliamhma le tuk velh nak hmanh a um lo tiah an chim.

A thi mi pa chungkhar nih an chim ning ah cun a dawr in a rak lawi lo nak hi a sau cang caah phone zong in kan chawnh ko nain a phone hi chawnh khawh a si bal lo, cun a dawr ah kan kal tik ah dawr cu a lenglei in tawh hrenh cia in a ram um fawn. Asinain a lenglei in rimchia, a thu theng mi rim kan theih caah police sinah thawngthanh nak kan tuah hi a si tiah an chim.

Cu hnu ah police pawl cu an rak phan cawlh ve I dawr innkhar cu an boh, a chung kan hun luh tikah cun a ruak hmanh hi a rak thu ngai cang caah kan khuaruah a har ko, cu hnu lawng ah an thah hi a si ko tiah kan theih hi a si tiah zong an chim chap.

“Ka upa hi kum 58 a si cang, inn lawi loin midang sinah hnangam tuk in a um bal lo a si lo caah phone kan chawnh ve ko, phone chawnh khawh a si lo caah a dawr tiang kan kal I a tu ah cun a ruak hmanh a thu cang in kan hmuh. Zeiruang ahdah an thah le a ho nihdah a thah hnga ti cu police nih felfai tein tuanvo an lak ko lai” tiah a thi mi pa I a nau U Kyaw Kyaw Win nih cun a chim.

Be First to Comment

Leave a Reply

Your email address will not be published. Required fields are marked *