Press "Enter" to skip to content

Esther Dawt Chin Sung A Hlasak Thar Mi Nihin Ah An Van Upload Than (+Video)

Australia Chin Community Bushfire Appeal-Relief Concert an tuahnak ah Kawlram pumpi hlasak thiam Myanmar Idol Winner Esther le Runner-Up Benjamin Sum cu Laimi um nak Australia ah sunglawi taktak in caan an hmang nihin chun zongah Esther nih “Chit luh khaw dala” timi kawlhla a van phomh cang hi cu an uar kho ve taktak, a thiam tuk hrat ve le an uar zongah an mawh ve hrimhrim loh uar phu bak a si ko.

A tanglei ah a hlasak nak kan van chiah, ngeih thlu khawh rak i zuam ve hrimhrim.

Thawngpang dangrelchap >>>>>

Online in thawng ka rel peng,,, Ka facebook ka van on hrimhrim ahcun atu lio zawtnak Cronavirus kong le AA le kawl ralkap kah dohnbak kong lawng te an rak lang. ka hrial lai ka ti zong ah hrial awk tha lo le hrial cawk lo in ka facebook cahmai ah a lang. a zei si zong ah tiin ka van rel ve ko. AA hriamtlai le Kawl ralkap kah doh ruang ah kan Chin Miphun nih harnak le thihnak tiang an ton mi kong chunzan bak in khua aa ka ruah ter I keimah le keimah ka hnemhnak cu “AA hriamtlai nih Chin Ram hi thawng ngei lo (Sileng) in a tuk” lio a si ti in ka hnem.

Nangmah zong na hawi nu/pa he zurit ruang thil dangdang buainak ruang ah ka inn ah rak buai in rak I velh tuah hmanh u, ka celh bal lai lo, a ho hmanh tanh lo in nan pahnih in kan nawn bak ko hna lai. Kei zong mi pakhatkhat he na inn le lo ah rak I velh in buai ning law nan ka nawn ve ko lai. a ho hlei tanh mi ngei lo in mu..

cu bantuk in AA hriamtlai le ralkap nih kan vawlei le kan inn lo cia ah buainak an rak tuah mi cu AA ka ngai thiam bak hna lo. AA Hriamtlai hi Miphun dothlennak an khelh ruang hi kan chin ram ah inn tungke an dirh I ralkap he an buai mi cu ka ngai thiam bak ve hna lo. Ralkap cu an min hmanh ah “Ralkap” kan ti fawm hna cu te,,, an ral a si mi cu an kah ko hna lai.. AA nih Chin Miphun aa kan dawt I aa kan upat ko ahcun kan ram le vawlei ah ralkap he an buai lo ding hi a biapi. US ram ah refugee in a kal mi han zong US ram cozah duh lo mi an tuah sual ahcun an van kaut than ko hna.

Daite in kan Chin ram ah an um khawh tung lo ahcun anmah le an vawlei ah buainak va tuah ko hna seh. Ralkap he uknak I cuh ruang ah Chin miphun nih kan tuar ding a si lo.
Ralkap tham cu Phunghram kan remh khawh hlan cu kan thawl kho fawn hna lai lo I Phunghram aa remh hlan tiang cu Chin Ram ah khua an sak a hau fom cu te, kianh lengmang an hau ko rih. Phunghram aa remh dih tik ahcun ralkap zong an cawl kho te lai lo cu mu.

AA nih kan vawlei cia ah kawl ralkap he an kah doh lengmang mi hi a sawhsawh in ruah awk a tha lo. Chin Ram ah AA nih ralkap he an kah doh mi kong ah AA nih aa tinh mi ka purh dah ning:
1. Kan vawlei/ram hi Rakhin ram ah chiah bang a duh 2. Kan Miphun cheu kaht hna cu Rakhin miphun ah chiah a duh hna 3. Ralkap a tei khawh taktak lo caah kan Lai ralkap he I thua han seh tiah a forh hna bia a si 4. Mikut in rultlaih aa tim “(Chin Miphun kut in an duh mi uknak lak an I tim) 5. Chim Miphun zei ah aa kan rel lo 6. Kan lai ralkap zei ah a rel hna lo.

AA le Ralkap kah dohnak kong ah AA sual phaw lo in NLD Party le Cozah tu heh tiah sual kan phawt rih hna.. AA hriamtlai hna cu kan vawlei cia ah a duh mi poh tuah seh ti phun in, nihin ni tiang doh le soisel a um bal lo. Hihi keimah nih ka purh dah han ning cu a si. a zei si zong ah Tlangcung miphun a si mi nih tlangcung miphun pakaht a si ve mi kan vawlei le kan inn lo cia ah an I dor I ralkap he an I kah mi cu cohlan awk a tha bak lo. kahdohnak an tuah lo ahcun tlang cung miphun ciocio I ruah thiam khawh a si. buainak an ser ding ah ahcun kan vawlei an lamh lo bak a hau.. Note: hi ca ka tial mi hi ralkap tanh nak aa tel lo, Phunghram kan remh khawh lo caah ralkap doh cu sana tlaih lo caah AA hi ka van ti hna nak a si. (Rolian)

Be First to Comment

Leave a Reply

Your email address will not be published. Required fields are marked *