Press "Enter" to skip to content

Corona Virus ( New song )

Tu lio kan vawlei cungah kan i buaipi cem mi le kan ttih cem mi zawtank a simi Corona Virus cu lungmit in a kan tuah ko e, Vaipa nih lunghno taktak in a hawipa he Corona Virus hlathar an van phuah mi a van sak ruangmang ko lung a hno in hnarno a ttam ko mu.

A tanglei ah a hlasak nak video kan van chiah.

Thawngpang dangrelchap >>>>> Nizaan tih Ni (3/16/2020) zinglei sang ah Laimi kan tamnak Indianapolis i Greentree Apartment ah Myanmar mi motor asi lai timi an zumh mi paoh motor 9 cu (kan theih khawh tawk lawng asi rih) an thlanglang an den piak dih cikcek hna. Monday zinglei thiam ah aho ti theih lomi nih Chin mi riantuan in a hung lawi cu meithal in an kah than, vanthat ah a kheng lo caah a Motor thlalang lawng a kuai.

Tulio cu USA ummi Chinmi cu i ralrin thiam ngai kan herh. Virus ruangah Asia mi huatnak a sosa chin lengmang. A chinchap lo ah Ramdang mi a hua tukmi Trump nih “China virus” ti bak in bia a chimmi nih harnak fak chinchin in kan tong te sual lai hi thin dom le thlacam kan thawng aherh hringhran. Phundang in kan chim asi ahcun Chinmi caah hin virus ma tihnung deuh Asia huatu pawl? Timi biahalnak hi ngeitlak tein kan him lo ning hi ai tluk ngacha.

Laimi kan umnak ah i ralring cio hram hna usih. US cu meithal a zalen tuk i a chinchap loah a thluak a hmantuk lomi le Miphun dang a huatukmi an karhchin lengmang cang i luh chuah tikah ralring tein um thiam I zuam hna usih. KKK hna an hung lang tuk lai ka phang hringhran.

Kan Group chung ahhin Chinmi Indianapolis khua ummi minung 6,000 tluk nan um i, USA ummi 25,000 tluk kan um caah thawngzamhnak le bia i ruahnak ahcun a biapibik asi caah vun luh Chin lengmang hna ulaw kan hmuhtheihnak ralrinnak ah vun I chim cio hna usih.

CLICK VIDEO

Be First to Comment

Leave a Reply

Your email address will not be published. Required fields are marked *